«1918 jyldyń naýryz aıynan bastap eki aı boıy armıan dashnak qarýly toptary Ázerbaıjan aımaqtarynda on myńdaǵan beıbit halyqty etnıkalyq jáne dinı belgilerine qaraı qyrǵynǵa ushyratyp, eldi mekenderdi, tarıhı-mádenı eskertkishter men meshitterdi qıratty. О́kinishke oraı, olardyń adamgershilikke jat bul is-áreketteri halyqaralyq deńgeıde quqyqtyq turǵydan qarastyrylyp, aıyptalmady. Sonyń nátıjesinde jyldar ótkennen keıin Hodjaly jáne basqa da aımaqtarda osyndaı qylmystar qaıta jasaldy.
Tarıhtyń ártúrli kezeńderinde ázerbaıjandyqtarǵa qarsy jasalǵan mundaı qantógis qyrǵyndarǵa álem qaýymdastyǵynyń nazaryn aýdarý maqsatynda Ázerbaıjan halqynyń jalpyulttyq kóshbasshysy Geıdar Álıev 31 naýryzda Ázerbaıjandyqtardyń genosıdke ushyraǵan kúni dep jarııalaǵan bolatyn.
Halyqaralyq Túrki akademııasy atynan 31 naýryz – qyrǵynynyń qurbandaryn qaıǵyryp eske alamyz, baýyrlas Ázerbaıjan halqy men memleketine qoldaýymyzdy bildiremiz, mundaı adamgershilikke jat áreketterdiń endi qaıtyp oryn almaýy, beıbitshilik pen tynyshtyqtyń saqtalýy úshin álem qaýymdastyǵyn osy oqıǵalarǵa qatysty ádil ustanymda bolýǵa shaqyramyz», dedi Halyqaralyq Túrki akademııasy prezıdenti Darhan Qydyráli.
