Sharshy alańda 24 kezdesý ótkizip, barlyǵynda jeńiske jetken (17 nokaýt) Janqosh Turarov ózine tıesili birinshi orta salmaqtaǵy WBO Inter-Continental nusqasynyń altyn belbeýin saqtap qalý úshin ulybrıtanııalyq Taıron Makkenmen kúsh synasady. Tumandy Albıon eliniń ókili de osal boksshy emes. Ol osy kúnge deıin 24 márte rıngke shyǵyp, 21 ret (6 nokaýt) mereıi ústem boldy. Eki jekpe-jekte utylyp, taǵy bir básekede teń tústi.
Sondaı-aq, Dýbaıdaǵy kásipqoı boks keshinde Tursynbaı Qulahmet te (2-0, 1 KO) óz ónerin ortaǵa salady. Qandasymyz kúni búginge deıin qarsylas shydatpaı kelgen venesýelalyq Eber Rondonmen (20-0, 13 KO) judyryqtasady.
