Oıyn «Qazsport» telearnasynan tikeleı efırde 00:35-te (Nur-Sultan ýaqytymen) bastalady. Kommentatorlar - Ersin Erik, Erbol Kaırov.
Andreı Shevchenkonyń komandasy buǵan deıin eki oıyn ótkizip, ekeýinde de 1:1 esebimen teń tústi. Aldymen qonaqta Fransııamen upaı bólisse, tórt kúnnen keıin óz alańynda Fınlıandııamen teń oınady. Qazaqstan quramasy 28 naýryz kúni «Astana-Arenada» fransýzdarǵa 0:2 esebimen ese jiberdi.
Ýkraına men Qazaqstan quramalary osymen úshinshi Álem chempıonatynyń irikteý kezeńinde bir topqa túsip otyr. Buǵan deıin, 2006 jáne 2010 jylǵy álem birinshilikteriniń irikteý týrnırlerinde kezdesken edi. Eki eldiń komandalary ózara 4 resmı match ótkizip, barlyǵynda Ýkraına jeńiske jetken.
