Qanisher basshy ózin «Shotlandııa koroli» dep atap BUU-nyń shtab páterin Ýgandaǵa aýystyrýdy, sonymen qatar Elızaveta Korolevanyń ornyna ózin Brıtan Koroldiginiń basshysy etýdi talap etýimen de aty shyqqan.
Idı Amın 22 jasyna deıin oqyp-jazýdy bilmegen. 1971 jyly «eldi táýelsiz etemin» degen syltaýmen, halyqty aldap bılikke keledi. Alaıda taqqa otyrǵanyna jarty jyl da bolmaǵan bıleýshi 10 000-nan astam adamdy bolmashy syltaýlarmen ólim jazasyna kesipti. Eń qyzyǵy, jazalanǵandardyń 2000-yn óz qolymen óltirgen eken.
Birinshi kezekte ol ózine qarsy shyǵýy múmkin degen sheneýnikterdiń kózin joıady. Al sol kezdegi shtab basshysy Súleımen Hýseınniń basyn kesip, ony óz úıiniń muzdatqyshynda «olja» retinde saqtaǵan. Osydan keıin el arasynda Idı Amın adam etin jeıdi degen qaýeset taraıdy.
Idı Amınniń jónsiz saıasatynyń kesirinen 1979 jyly eldiń ekonomıkalyq jaǵdaıy ábden ýshyǵady. Osy jaǵymsyz oqıǵalardan keıin ózine qaýip tónip turǵanyn sezgen ol Saýd Arabııasyna qashyp ketken. Sol jaqta júrip, 2003 jyly, 75 jasqa qaraǵan shaǵynda tósek tartyp, kóp uzamaı qaıtys bolǵan.
Aıta keteıik, 2006 jyly «qanisher prezıdenttiń» ómirbaıanyn tolyqtaı sıpattaıtyn «Shotlandııanyń sońǵy koroli» degen tarıhı kıno jaryq kórip edi.
