Aýyrmaýdyń joly – ekpe alý

Jýyrda oblystyń bas sanı­ta­rlyq dárigeriniń mindetin atqarýshy Qanat Týrdıev halyq arasynda COVID-19 koronavırýs ınfeksııasynyń taralýyn tejeý maqsatynda 2021 jylǵy 19 aqpandaǵy №4 qaýlysyna ózgerister engizdi. Atap aıtsaq, sanıtarlyq erejeler men kú­sheıtilgen sanıtarlyq-de­zın­feksııalyq rejimdi saqtaı otyryp, qalalyq jáne aýyldyq mektepterde synyptardaǵy balalar sanyn 25-ten asyrmaı dástúrli formatta oqytýǵa ruqsat be­rildi. Al kolledjder men jo­ǵary oqý oryndarynyń 1-kýrs stý­dentteri úshin shtattyq oqytý jal­ǵas­ty­ry­lady.

Sonymen qatar aty jaman in­­dettiń aldyn alý úshin óńirde kún­delikti reıdter júrgizilip jatyr. 26 naýryzda ǵana О́ske­mende mobıldi toptar 28 ereje buzýshylyqty tirkedi. Olardyń kóbi maska rejimin saqtamaýmen baılanysty. Sondaı-aq monı­to­rıng­tik top uzyn sany 310 ny­sandy tekserip, 12 ereje buzýshylyqty anyqtaǵan. Jalpy somasy 350 040 teńgeniń aıyppuly salyndy. Al Semeıdegi saý­da úıleri men bazarlardy teksergen monı­to­rıngtik top maska rejimin buzǵan 14 aza­matqa hattama toltyrdy. Odan bó­lek, jappaı is-shara ótkizgender de anyqtaldy. Aıta keterligi, mundaı reıdtik sharalar oblystyń ózge de qalalarynda júrgizilip jatyr. Demek, turǵyndardyń barynsha saqtanyp júrgenderi abzal. Durysy, reıd­tik sharalardan emes, juqpaly indetten saq­ta­ný kerek.

Indetpen kúreste aldyńǵy shepte jú­re­tin mamandar aýyryp em izdegennen góri, aýyrmaýdyń jolyn tabaıyq degen nıette erikti túrde ekpe de ekkizip jatyr. Kúni keshe ǵana oblystyq polısııa departamenti qyzmetkerleri ara­synda COVID-19-ǵa qarsy erik­ti túrde vaksına alý bastaldy. Aldymen ekpe alýǵa daıyn po­lı­seılerdiń tizimi jasaldy. Olar­dyń densaýlyqtary tek­se­rildi. Vak­sı­nany alǵash­qy­lar­dyń biri bolyp, oblystyq PD bastyǵy Saǵat Mádıev aldy.

– Indettiń qaýipti ekenin byltyr bárimiz túsindik. Dárigerler, ás­kerıler, polıseıler kún-tún de­­meı, halyqtyń densaýlyǵy úshin kúresti. Biraq qaýiptiń beti qaıt­qan joq. Sondyqtan indetke qarsy ekpe alyp jatyrmyz. О́zim jeke quram úshin úlgi bolaıyn dep vak­sınany alǵashqylardyń biri bo­lyp aldym, – dedi oblystyń bas polıseıi S.Mádıev.

Búgingi tańda vaksınalanǵandar tiziminde 100-den astam polıseı bar. Olar aldyńǵy qatarda qyzmet isteıtin jáne halyqpen jıi qarym-qatynasta bolatyn patrýldik polısııa qyzmetkerleri men ýchaskelik polısııa ınspektorlary.

Shyǵys Qazaqstan oblysy