Dári jarnamasy durys bolýy tıis

Sonymen qatar jarnama preparattyń far­ma­kologııalyq qasıetteri men emdik kórsetkishterin jáne medısınalyq buıymdardy qoldaný aıasyn tutynýshylardyń senimin teris paıdalaný arqyly asyra kórsetpeýi kerek. Jarnamalanatyn dári-dármekter men medısınalyq buıymdardy basqa taýarlarmen salystyrýǵa bolmaıdy.

Jarnama materıaldarynyń zańnamaǵa sáıkestigin baǵalaýdy Dárilik zattar men medısınalyq bu­ıymdardy saraptaý ulttyq ortalyǵy júrgizedi. Ol úshin qujattar Ulttyq ortalyqtyń О́tinish berýshilerge qyzmet kórsetý ortalyǵyna usynylady. Bul rette dári-dármek jarnamasynda saýdalyq ataýy, halyqaralyq patenttelmegen ataýy nemese quramyndaǵy belsendi komponentteri týraly málimetter ǵana emes, sonymen qatar qoldanýǵa jáne qarsy kórsetilimderi, jaǵymsyz áseri, qoldaný tásili men dozalary, satylý sharttary, balalarǵa, júkti áıelderge, sondaı-aq bala emizý kezinde qoldanýǵa qatysty nusqaý bolýy tıis. Sondaı-aq tirkeý kýá­liginiń nómiri men berilgen kúni, tirkeý merziminiń ótetin kúni, óndirýshiniń nemese Qazaqstandaǵy saý­da ókiliniń ataýy men mekenjaıy mindetti túrde kórsetiledi.

Medısınalyq buıymdardyń jarnamasynda saý­da ataýynan basqa, qoldanýdyń negizgi kór­se­tilim­deri, janama áserleri men qarsy kór­se­tilimderi, óndirýshiniń nemese Qazaqstandaǵy ókil­diń ataýy men mekenjaıy, tirkeý kýáliginiń nómiri men be­rilgen kúni jáne tirkeý merziminiń ótetin kúni kór­se­tiledi. Mindetti túrde «О́z betimen emdelý den­saý­ly­ǵyńyzǵa zııandy bolýy múmkin» degen eskertý má­tini bolýy tıis.

Saraptama jasaý uıymy jarnamany júzege asyrý qaǵıdalarynyń talaptaryna sáıkessizdikterdi anyqtaǵan jaǵdaıda, ótinish berýshige túzetýler týraly eskertý haty jiberiledi. Eger hatqa jaýap kelmese nemese talap etiletin túzetýler engizilmese, jarnamaǵa qorytyndy berilmeıdi.

Aıta keteıik, jyl saıyn DZSUO jarnama materıaldaryn baǵalaý boıynsha 650-den astam qorytyndy beredi.