Júlde qory 3 343 785 dollardy quraıtyn jarystyń bastapqy básekelerinde jerlesimiz serbııalyq Laslo Djere, aýstralııalyq Djessı Dakvort jáne amerıkalyq Teılor Frıtsti jolynan yǵystyrǵan edi. Shırek fınalda onyń joly ıtalııalyq Iаnnık Sınnermen qıysty. 19 jastaǵy Apennın túbeginiń ókili byltyr Rolan Garrosta úzdik segiz oıynshynyń qatarynan kórinip, kópshilik nazaryna ilikken bolatyn. Bul kúnderi álemdik reıtıngte 31 orynda turǵan Sınner odan bólek ATR týrnırlerinde eki ret top jardy. Al Maıamıdegi dodada ol Iýgo Gaston (Fransııa), Karen Hachanov (Reseı) jáne Emıl Rýsýývýorıden (Fınlıandııa) basym túsip, jartylaı fınaldyń joldamasy úshin tartysta bizdiń Aleksandr Býblıkpen kezdesti.
Aıtýly qos tennısshi arasyndaǵy saıys 1 saǵat 42 mınýtqa sozylyp, 7:5, 6:4 esebimen Iаnnık Sınnerdiń paıdasyna sheshildi. Endi Italııanyń óreni ıspanııalyq Roberto Baýtısta-Agýtpen sheberlik baıqasady.
