Konferensııa jumysyna Djokıakart memlekettik ýnıversıtetiniń professorlary (Indonezııa) Dr. Mohamed Brýırı Trııono, Retnavatı Herı, tehnıka ǵylymdarynyń doktory, professor Maksım Stogov, PhD Marına Boronenko (Iýgra memlekettik ýnıversıteti, Reseı), professor Elina Kuisisto (Tampere ýnıversıteti, Fınlıandııa), pedagogıka ǵylymdarynyń kandıdaty, dosent G.K. Baıǵajanova (J.Balasaǵyn atyndaǵy QUÝ, Qyrǵyzstan), PhD doktory G. Qasymova (Satbayev Universty, Qazaqstan), PhD doktory F.Smaılova (Kólik jáne logıstıka akademııasy, Qazaqstan) jáne t.b. qatysty.
Konferensııanyń jalpy otyrysyn shetel tilder kafedrasynyń meńgerýshisi Uljalǵas Ádilbaeva jáne professor Mohamed Brýırı Trııono saltanatty túrde ashty. Aıta keterligi, professor Mohamed Brýırı Trııono – aqparattyq tehnologııalar jáne bilim berý úderisine tolyqtyrylǵan shyndyq tehnologııasyn engizý salasyndaǵy jetekshi ǵalym retinde konferensııa barysynda «Tolyqtyrylǵan shyndyqty aralas oqytý formatynda ıntegrasııalaý» taqyrybynda baıandama jasady.
Plenarlyq otyrystan keıin konferensııa óz jumysyn jaratylystaný jáne áleýmettik-gýmanıtarlyq ǵylym salalary boıynsha jalǵastyryldy. Konferensııa qatysýshylary ózderiniń ǵylymı ázirlemelerin tanystyryp, bir-birimen pikir almasyp, ózekti máselelerdi talqylady.
Seksııalyq sessııalar nátıjesinde moderatorlar aǵylshyn tilin jetik meńgergendigimen kózge túsken jáne zertteýleriniń mánin tolyq ashyp, aýdıtorııaǵa zertteý nátıjelerin naqty jetkize bilgen magıstranttardyń baıandamalaryn atap ótti.
Magıstranttardyń ózderi de, ǵylymı jetekshileri de alǵys hattarǵa ıe boldy, al konferensııa qatysýshylaryna arnaıy sertıfıkattar tabystaldy.
Is-shara onlaın formatynda ótse de, qatysýshylar tarapynan konferensııany jyl saıyn ótkizý týraly usynys aıtyldy.
