Bir kúni oıda-joqta jolyǵyp qalǵan sondaı tapsyrmashylardyń biri:
– Áı, Murat, álgi meniń túlkim qaıda? – dep surasa kerek. Sonda Múkeń abyrjymastan:
– Káke, túlkińiz aman-saý, kúıli. Ázirshe dalada jortyp júr, – dep jaýap bergen eken.
*
Bizge mektepte sýret páninen sabaq bergen tili mirdiń oǵyndaı Dúısek aǵaıymyz týraly meniń jazyp júretinimdi tanys jurt jaqsy biledi. Keı sátte marqumnyń keıbir qylyqtary eriksiz ezý tarqyzatyny da shyndyq.
Keı ýaqytta azdap qyzyp júretin Dúısek aǵaı keshke taıaý jolyqqanda tańerteń amandasqanyn umytyp qalyp, jańadan sálem beretin edi.
– Oı, aǵaı, tańerteń amandasyp edik qoı, – deseń, jalǵanda abyrjyp-saspaıtyn aǵamyz:
– Jazdygúni kún uzaq, sondyqtan eki ret amandasý kerek, – dep jol taýyp ketetin edi.
*
Nurbolat degen jigit toıǵa barsa oryndy-orynsyz siltep, eldiń aldymen masaıyp qalady eken. Joldastary amaldap úıine jetkizip tastap júretin bolsa kerek. Bir kúni ishkendi qoıǵanyn aıtyp, úremkege qol tıgizbeı otyrǵan ol toı aıaqtalyp, syrtqa shyqqan soń:
– Jigitter-eı, toıda ekinshi ústelde et beredi eken ǵoı, – dep qatty tańyrqapty.
Hasen ZÁKÁRIIа
Shyǵys Qazaqstan oblysy
