«San sapaǵa jetkizedi...»
Halyq aqyny Shákir Ábenov qalamy orysshaǵa da, qazaqshaǵa da, tatarshaǵa da júırik aıtys aqyny, belgili satırık Toqtarhan Sháripjanovpen qaljyndasa beredi eken.
– Sen kóksoqqan taǵy bir qatyn aldy deıdi ǵoı, ras pa? – dep surapty birde Shákeń Toqtarhannan.
– О́zińizge uqsaımyn dep taǵy bireýdi jańartqanym ras, – deıdi Toqtarhan da aıylyn jımaı.
– О́ı, jyndy, uqsamaı qal, uqsamaı! – deıdi Shákir keıip. Sosyn uzaq ǵumyrynda óziniń de jeti áıel alǵany esine túsip:
– Bul seniń neshinshi qatynyń? – dep suraıdy.
– Nebári úshinshisi ǵana, – deıdi Toqtarhan qomsynǵandaı bolyp.
Sonda Shákir az-kem oıǵa batyp:
– Munyń durys eken, – depti, – ketem degen qatyndy renjitpeı ketire ber, kelem degen qatyndy renjitpeı keltire ber... Álgi pálsapada san sapaǵa jetkizedi degen qaǵıda bar emes pe. Túbinde kóptiń ishinen táýir bireýi suryptalyp, sapaly qatynǵa sen de ıe bolarsyń! – degen eken.
Tize batyrý...
Aqyn Syrbaı Máýlenov uzaq jyldar boıy basshy qyzmetterde bolǵan kisi ǵoı. Sol Syraǵań zeınetkerlikke shyqqannan keıin, birde óziniń jaqsy kóretin talantty inisi Ulyqbek Esdáýletti qasyna ertip, kóshe boılap kele jatsa, qarsy aldynan qurdasy Juban Moldaǵalıev ushyrasa ketedi.
– Iá, Syrbaı, densaýlyǵyń qalaı? – deıdi Jubaǵań amandasyp.
– Jaman emes... Biraq osy sońǵy kezde tizem qaqsap, bolmaı júr, – deıdi Syraǵań da kurdasyna muńyn shaǵyp.
Sonda Juban:
– Kezinde talaılarǵa tizeńdi batyrǵasyń ǵoı tegi... Tizeń aýyrsa – sonyń aqysy da, – depti qaljyńdap.
Álibek ASQAR
