«Oblys ákimi Danıal Kenjetaıulynyń qoldaýymen Aqjar aýylyna «Open Space» formatynda «Ashyq ákimdik» ashýǵa oblystyq bıýdjetten qarjy bólinip, tıisti jumystar atqarylýda. Sondaı-aq qosymsha Tuǵyl aýylynan «Ashyq ákimdik» keńsesin ashýdy josparlap otyrmyz. Aýdan turǵyndaryna memlekettik qyzmet túrlerin kórsetý maqsatynda 17 aýyldyq okrýgte 20 ózine-ózi qyzmet kórsetý buryshtary ashyldy. Onyń on besi aýyldyq okrýg ákimshilikteriniń ǵımarattarynda, bireýi mektep ǵımaratynda, úsheýi Aqsýat, Aqjar, Tuǵyl aýyldyq okrýgteriniń ortalyq kitaphanalarynda ornalastyrylsa, taǵy bireýi Tarbaǵataı aýdany ákimdiginiń ǵımaratyndaǵy servıstik úlgidegi «Ashyq ákimdik» keńsesinde ornalastyrylǵan», deıdi aýdan ákimi Ashat Smaılov.
Sonymen qatar Ashat Smaılov aýdandaǵy memlekettik satyp alý boıynsha aqparatpen bólisti:
– 2020 jyly memlekettik satyp alýdyń biryńǵaı uıymdastyrýshysy arqyly 1 486,9 mln teńgege 53 konkýrs ótkizilip, odan únemdelgen qarajat kólemi 107,5 mln teńge boldy. Onyń ishinde: 177,0 mln teńgege 20 ashyq konkýrs tásili arqyly, 1 309,9 mln teńgege 33 arnaýly tártip qoldanylǵan konkýrs tásili arqyly ótkizildi. 2021 jyly 2 003,5 mln teńgege 23 konkýrs josparlanyp otyr.
Aýdan ákiminiń sózine súıensek, memlekettik organdardyń qyzmetinde sybaılas jemqorlyq táýekelderin anyqtaýda ishki taldaý júrgizý úshin aýdandaǵy jergilikti bıýdjetten qarjylandyrylatyn memlekettik mekemelerde jumys toby qurylǵan. 2020 jyldyń jeltoqsan aıynda «Tarbaǵataı aýdany ákiminiń apparaty» memlekettik mekemesindegi bólimderge sybaılas jemqorlyq táýekelderine ishki taldaý júrgizilip, aýdan ákiminiń resmı saıtynda jarııalanǵan. Bul jumys bıyl aýyldyq okrýgter men bólimder arasynda jalǵasyn tappaq.
«Sybaılas jemqorlyqtyń aldyn alý jáne táýekeldiligin tómendetý maqsatynda aýdanymyzdaǵy 17 aýyldyq okrýg ákimi apparaty jáne 15 mekeme bólimderi «Ashyq bıýdjet» ınteraktıtvti kartasyna qosylǵan. Jalpy aýdan boıynsha búgingi kúnge 32 memlekettik mekemeniń 10 018 586, 0 myń teńge qarjysy jarııalanyp tur. Bıýdjettiń ashyqtyǵy kez kelgen azamatqa qol jetimdi bolý úshin 17 aýyldyq okrýgtiń ortalyqtarynda «Ashyq bıýdjet» ınteraktıvti kartasynyń bannerleri ornalastyryldy. «Ashyq bıýdjet» jobasyna jaýapty tulǵa aýdandyq ekonomıka jáne qarjy bólimi basshysynyń mindetin atqarýshy Saharıev Meıirjan Muqanuly bekitilgen», dep atap ótti aýdan basshysy.
