Almatyda indettiń órshýi jańa shtamdardyń tabylýymen baılanysty ekeni dáleldendi. Biraq qalanyń epıdemııalyq ahýaly aıtarlyqtaı qıyn bolsa da, alańsyz júrgen halyq kóp. Oǵan qosa megapolıste áli de qoǵamdyq kólikterdiń jetispeýshiligi baıqalady. Bul avtobýstardaǵy adamdardyń tańerteń jáne keshkilik kólikterdi syǵylysyp jumysqa baryp-qaıtýǵa májbúrlep otyr. Sondyqtan saqtyq sharalaryn kúsheıtýdiń kókeıkestiligi saǵat saıyn artyp keledi.
О́z kezeginde qalalyq mobıldilik basqarmasy, Kólik holdıngi men quqyq qorǵaý organdary qyzmetkerlerinen quralǵan monıtorıng toptary jolaýshylardyń sanıtarlyq erejelerdi ustanýyn burynǵydan da qatań tekserýge kóshti. Qalanyń barlyq marshrýttaryn kezekpen tekserý josparlanǵan.
Buǵan deıin qoǵamdyq kólikte tek Basqarma qyzmetkerleri reıd jumystaryn júrgizip, tek eskertý jasaı alatyn edi. Qazirgi monıtorıng toby sanıtarlyq erejelerdi buzǵandarǵa aıyppul salyp, shara qoldanýǵa quqyly.
Sonymen qatar qalada jolaýshylardyń qaýipsizdigin qamtamasyz etý maqsatynda keshendi is-sharalar júzege asyrylmaq. Jolaýshylar aǵymyna qaraı júktemesi joǵary 28 baǵyt boıynsha qosymsha avtobýstar shyǵarylyp, júrý kestesi qaıta qarastyryldy. Sońǵy aıaldamalarda avtobýs salondaryna dezınfeksııa jasalady. Sondaı-aq avtobýstar men metroda maska taǵý qajettiligi týraly aqparattyq aýdıohabarlama jasalady. Júrgizýshilerge jumys ýaqytynda mindetti túrde maska taǵý, maskasyz jolaýshylardy salonǵa kirgizbeý jáne qajet bolǵan jaǵdaıda túsirip ketý týraly tapsyrma berildi. Kólik holdıngi qyzmetkerleri de karantın kezinde sanıtarlyq normalardy buzýshylarǵa eskertý jasap, avtobýstan túsirý týraly tapsyrma aldy.
Almatylyqtardyń qajettiligin tolyq óteý úshin qalaǵa myńǵa jýyq avtobýs qajet ekendigi málim. Bul baǵytta jumystar jalǵasyp jatyr. 2021 jyly kommýnaldyq avtoparkke 150 jańa gazben júretin avtobýs jetkizildi. Jolaýshylardyń suranysyna qaraı avtobýstardyń bir bóligi eski avtobýstardy jańalaýǵa jáne marshrýttardy kúsheıtýge, al bir bóligi jańa marshrýttar ashýǵa jiberildi. Jyldyń aıaǵyna deıin tasymaldaýshylar eki júzden asa avtobýs satyp alýdy josparlap otyr.
«О́tken jylǵy indet bastalǵan kezeńmen salystyrǵanda, byltyr shilde aıynda epıdemııalyq ahýal shıelenisip eń kóp – 6 372 jaǵdaı tirkelse, sáýir aıynan bastap juqtyrý deńgeıi kóbeıe bastap, 969 adamnyń indet juqtyrǵany anyqtalǵan bolatyn. Ekinshi tolqyn 2020 jyldyń qazan aıynda 366 jaǵdaıdan bastalyp, bıyl qańtar aıynda 3 607 jaǵdaıǵa jetti, aqpanda 2 366 jaǵdaıǵa deıin azdap tómendegenimen, koronavırýs ınfeksııasynyń mýtasııalanǵan shtamdarynyń (ońtústik afrıkalyq, brıtandyq) tirkelýine baılanysty úshinshi tolqyn bastaldy», deıdi Almaty qalasy Sanıtarlyq-epıdemııalyq baqylaý departamenti basshysynyń orynbasary Ásel Qalyqova.
Aýrý juqtyrýdyń kóbeıýi, mýtasııalanǵan shtamdardyń anyqtalýyna jáne onyń ınkýbasııalyq kezeńiniń qysqa bolýy saldarynan barlyq jas toptardyń ınfeksııa juqtyrǵany baıqalady. Epıdemııanyń damý yrǵaǵynyń sońǵy 7 kúngi sıpattamasy: 23 naýryzda – 380 jaǵdaı, 24 naýryzda – 341 jaǵdaı, 25 naýryzda – 330 jaǵdaı, 26 naýryzda – 450 jaǵdaı, 27 naýryzda – 510 jaǵdaı, 28 naýryzda – 415 jaǵdaı, 29 naýryzda – 545 jaǵdaı, 30 naýryzda – 526 jaǵdaı, 31 naýryzda – 515 jaǵdaı jáne basqa da ınfeksııanyń taralýynyń kóbeıýi tirkeldi. Bul – mýtasııalanǵan KVI shtamdarynyń juǵý kórsetkishteri joǵary ekenin taǵy da rastaıdy. Sonymen qatar SEBD derekteri boıynsha 20 naýryzdan bastap qabyldanǵan epıdemııalyq jaǵdaıdy turaqtandyrý jónindegi is-sharalarǵa baǵalaý júrgizildi, onda saýda nysandarynda juqtyrǵandardyń úles salmaǵy 3%-dan astam (23,7%-dan 20,5%-ǵa deıin), saýda ortalyqtary men saýda ortalyqtarynyń demalys kúnderi bazarlardy toqtata turý nátıjesi retinde, qoǵamdyq tamaqtandyrý kásiporyndarynda 3,5 ese tómendegeni anyqtaldy. Jumys orny boıynsha naýqaspen baılanysta bolǵan kezde juqtyrýdy 2%-ǵa, qoǵamdyq kólikte 1%-ǵa tómendetý boıynsha belgili bir nátıjege qol jetkizildi.
Barlyq ınfeksııalyq stasıonarlarda 5 myń tósektik oryn bolsa, 2 849 adam (107 bala) emdelip jatyr, onyń ishinde hali asa aýyr – 45, aýyr túrde – 409, jaǵdaıy ortasha 2 395 pasıent bar.
Al vaksınalaý máselesine keletin bolsaq, 1 aqpannan sáýirge deıin vaksınanyń 15 750 dozasy kelip tústi. 1 komponent boıynsha 100% ıgerildi. Revaksınasııa júrip jatyr. Ekinshi komponent boıynsha 3 810 adam qabyldady. Búgin BMSK boıynsha vaksınanyń 4 transh boıynsha 21 860 doza bólindi.
ALMATY
