Onyń aıtýynsha, forým jaqyn arada iske qosylatyn iri birlesken ınvestısııalyq jobalar boıynsha ózara yntymaqtastyqqa jol ashady. Premer-Mınıstr Majarstannyń úsh jyl buryn Túrki keńesine baqylaýshy retinde qabyldanǵanyn atap ótti. «Sodan beri el dıplomatııasy Keńeske múshe memlekettermen baılanysty nyǵaıtýǵa kóp kóńil bóldi», dedi ol.
V.Orban Majarstan úshin basym mindetter qarym-qatynasty strategııalyq seriktestik deńgeıine deıin kóterý jáne ár elde dıplomatııalyq mıssııa qurý bolyp tabylatynyn eske saldy. Ol álemdik saýda 9 paıyzǵa tómendegen ótken jyly Majarstannyń Túrki keńesine múshe eldermen taýar aınalymy 3 paıyzǵa artqanyn atap ótti. Sondaı-aq bıyl Majarstan ýnıversıtetteri men kolledjderine túrki elderinen 5 myń jas oqýǵa túsken. Orban eldiń túrki ınvestısııalyq qoryna qosylýǵa jáne damý jobalaryna qarajat salýǵa degen nıetin rastady.
