Bul – árıne eń aldymen túrki jurtyna ortaq babaǵa kórsetilgen qurmet. Al ekinshiden, memleket tarapynan Prezıdenttiń stýdent jastardy qoldaýy dep qabyldaımyz. Shynynda bul ýnıversıtettiń ózi – irgetasy el egemendigimen qatar qalanyp, órkendep kele jatqan táýelsizdiktiń tartýy. Munda qanshama túrkitildes elderden kelgen baýyrlarymyz bilim alyp júr. Sol sebepti bul – baýyrmaldyqtyń bir belgisi.
Kóp synyptastarym elordaǵa, alyp Almatyǵa qaraı umtylǵanda men Túrkistandaı shaǵyn qaladaǵy osy ýnıversıtetti tańdadym. Qazir sol sheshimime shyn qýanamyn. О́ıtkeni «Jyl stýdenti» retinde elimizdegi 8 medısınalyq joǵary oqý ornynda bolyp, tanysyp kórdim. Sonda men dál bizdiń ýnıversıtettegideı qory baı kitaphananyń basqa eshbir JOO-da joq ekenine kóz jetkizdim. Qazir Túrkistan tanymastaı ózgerdi, mine, atalǵan stıpendııa Túrkistannyń stýdentter qalasyna aınalýyna septigin tıgizedi degen oıdamyn.
Al mundaı mol múmkindikti, zor motıvasııa berer stıpendııany tek sabaq oqýmen ǵana shektelmeıtin, qoǵamdyq ómirge de belsendi bilim alýshylarǵa bergen durys. Sebebi sondaı izdenýshiden ǵana bolashaqta eldegi mańyzdy oqıǵalardyń bel ortasynda júretin, qoǵamdaǵy ózekti máselelerdi sheshýge qabiletti, kásibı maman shyǵady.
Shamsýddın QAIRATULY,
Q.Iаsaýı atyndaǵy Halyqaralyq qazaq-túrik ýnıversıtetiniń stýdenti
