«Birinshi kezekte turǵyndarǵa sapaly qyzmet kórsetý deńgeıi áli de tómen. Máselen, 109 biryńǵaı baılanys ortalyǵyna medısınalyq mekemelerdiń jumysyna turǵyndardyń kóńili tolmaıtyny jóninde shaǵymdar jıi túsedi. Ásirese, medısınalyq qyzmettiń sapasyna, mamandardyń deńgeıi men etıkasyna qatysty shaǵym óte kóp. Demek, bul emhana men aýrýhanalar basshylarynyń jumysty tıisti deńgeıde uıymdastyra almaı otyrǵanyn kórsetedi», deıdi Mahambet Dosmuhambetov.
Ákimniń pikirine súıensek, memleket tarapynan medısına salasyna jaqsartýǵa qoldaý kúsheıip, qyzmetkerlerdiń eńbekaqysy ósti. Eger medısınalyq mekeme basshylary jumysty durys uıymdastyra almasa, olarǵa qatań shara qoldaný kerek.
Al, oblystyq densaýlyq saqtaý basqarmasynyń basshysy Ashan Baıdýálıevtiń sózinshe, kemshilikter men olqylyqtardy joıýǵa bolady. Alaıda salada mamandar tapshylyǵy týyndap otyr.
«Máselen, ótken jyly 278 dáriger jetispegen edi. Byltyr 93 dáriger jumysqa qabyldandy. Alaıda, oblystyń medısına salasyna áli de 207 maman jetispeıdi. Bıyl bul máseleni granttar bólý arqyly birtindep sheshýdi josparlap otyrmyz», dedi A.Baıdýálıev.
