Aty jaman indetke qarsy ekpeni oqý ornynda alǵashqylardyń biri bolyp, ýnıversıtet rektory Jasulan Shaımardanov aldy. Sol kúni rektor qyzmetkerlermen vaksınaǵa baılanysty óz pikirimen bólisip, onyń mańyzdylyǵy týraly aıtty. Osylaısha, birinshi kúni bilim ordasynyń 50-ge jýyq mamany ekpe saldyrdy.
ShQTÝ-dyń birinshi prorektory Sáýle Rahmetýllına dárigerdiń qaraýynan keıin ekpe prosedýrasyna eki-aq mınýt ýaqyt ketetinin aıtady.
– Ár azamat týraly aqparat elektrondy bazada bar eken. Dáriger ony qarap, pasıenttiń qan qysymyn tekserip, koronavırýs ınfeksııasy sımptomdary bolǵan bolmaǵanyn surady. Keıin ekpe saldyrýǵa kelisim beretin qaǵazǵa qol qoıǵyzdy. Prosedýradan keıin meni jarty saǵattaı óz baqylaýlarynda ustady. Shynymdy aıtsam, erekshe eshtene sezbedim, jaǵdaıym ádettegideı boldy, – dedi prorektor.
Ekpe saldyrǵannan keıin naýqastyń uıaly telefonyna «Spýtnık-V» preparatynyń birinshi dozasyn alǵany týraly jáne ekinshi komponentti salatyn ýaqyty kótsetilgen SMS habarlama keledi.
Aıta keterligi, dúnıejúzilik densaýlyq saqtaý uıymy bul pandemııadan vaksına jasaý arqyly ǵana shyǵa alatynymyzdy aıtqan bolatyn.
