Aıtýly jarystyń bir ǵasyrdan asa tarıhy bar. Naqtylap aıtsaq, «Flandrııa týrynyń» tusaýy sonaý 1913 jyly kesilgen. Bas-aıaǵy bir kúnge ǵana sozylatyn dodada negizinen jergilikti sportshylar top jarýda. Osyǵan deıin 102 márte uıymdastyrylǵan jarystyń teń jartysynan kóbin belgııalyqtar utty. Olardan bólek, Italııa (10 ret), Nıderland (10 ret), Shveısarııa (4 ret), Fransııa (3 ret), Germanııa (2 ret), Ulybrıtanııa (1 ret), Danııa (1 ret), Norvegııa (1 ret) jáne Slovakııanyń (1 ret) veloshabandozdary bas júldeni qanjyǵalaryna baılady. О́kinishke qaraı, jeńimpazdar qatarynda Qazaqstannyń birde-bir ókili joq.
Al taıaý kúnderi bastalatyn kezekti jarysta Evgenıı Fedorov (Qazaqstan), Evgenıı Gıdıch (Qazaqstan), Dmıtrıı Grýzdev (Qazaqstan), Ýgo Ýl (Kanada), Benjamın Perrı (Kanada), Nıkıta Stalnov (Qazaqstan), Artem Zaharov (Qazaqstan) syndy veloshabandozdar «ASTANA-PREMIER TECH» klýbynyń sapynda óner kórsetedi.
