Ekonomıkalyq jumys tobynyń jetekshisi Aqylbek Kúrishbaevtyń aıtýynsha ekonomıkalyq máseleler boıynsha jumys tobynyń otyrysynda 6 másele qaralǵan. Otyrysqa jumys tobynyń 33 múshesiniń 30-y qatysqan.
«Qazirgi ýaqytta eń ózekti máseleniń biri – jer resýrstaryn baqylaý boıynsha biryńǵaı memlekettik júıeni qurý. Búginde Aýyl sharýashylyǵy mınıstrliginiń jer resýrstaryn basqaratyn komıtetinde tek ortalyq apparat qalǵan. Ol jerde 38 adam jumys isteıdi. Barlyq aımaqtyq jer ınspeksııalary 2014 jyly ákimdikterdiń quzyryna berilgen. Iаǵnı, ákim ózi jer beredi, jerdi ózi baqylaıdy. Osyǵan baılanysty birinshi qaraǵan máselemiz - ákimdikterden (jergilikti atqarýshy organdardan) jerdiń paıdalanylýy men qorǵalýyn memlekettik baqylaý jáne «Azamattarǵa arnalǵan úkimet» memlekettik korporasııasyna memlekettik jer kadastryn júrgizý fýnksııalaryn bere otyryp, jer resýrstaryn basqarý agenttigin qurý», dedi ol.
