Tehnıkalyq jáne kásiptik bilim berý júıesiniń negizgi maqsaty – básekege qabiletti mamandar daıarlaý jáne olardyń jan-jaqty damýy men sapaly kásiptik daıarlyǵy úshin jaǵdaı jasaý. Bul rette stýdentterdi qazirgi zamanǵy óndiristegi jumysqa ǵana emes, olardan belsendilikti, bastamashyldyqty, derbestikti, jaýapkershilikti, shyǵarmashylyq jáne zertteýshilik qatynasty talap etetin derbes kásibı qyzmetke de daıyndaý qajet. Qoıylǵan maqsatqa qol jetkizý úshin birinshi kezekte kolledjderdi eńbek naryǵynda suranysqa ıe mamandardy daıarlaý úshin qazirgi zamanǵy jabdyqtarmen jaraqtandyrý qajet.
Qoıylǵan mindetterdi sheshý úshin Úkimet qaýlysymen «Jastar – El tiregi» ulttyq jobasynyń bir bóligi sanalatyn «Jas maman» jobasy qabyldandy. Bul joba Qazaqstan Respýblıkasynyń Tuńǵysh Prezıdenti N.Á. Nazarbaevtyń tapsyrmasyna sáıkes ázirlendi.
Qazirgi ýaqytta bizdiń kolledjdiń «Hımııalyq taldaý zerthanasy» álemdik sapaly jabdyqtarmen jabdyqtalǵan. Bul zerthanada munaı ónimderin taldaýdyń barlyq spektrin júrgizýge bolady. Olar: munaı jáne munaı ónimderiniń fızıkalyq-hımııalyq kórsetkishterin anyqtaý, munaı ónimderiniń sapasyn baǵalaý, sondaı-aq jol ındýstrııasyndaǵy asfalt, bıtým jáne bıtým baılanystyrǵyshtaryn, bıodızeldi, bıootyndy, bıtýmdy, motor maıyn, otyndy, reaktıvti jáne týrbınalyq otyndy, týrbınalyq maılardy, mastıkalardy, boıaýlardy, eritkishterdi, laktardy zertteý. Perspektıvada munaı ónimderin hımııalyq taldaý jónindegi quzyret ortalyǵy qurylatyn bolady.
Áleýmettik seriktesterdiń usynysy boıynsha elektrmen jabdyqtaý zerthanasy úshin Siemens jabdyqtary satyp alyndy. Mundaı jabdyq KEGOS AQ elektr jelilerinde qoldanylady. Bul stýdentterdi energetıka salasyndaǵy óndiristi avtomattandyrý úshin jańa tehnologııalarǵa oqytýǵa jáne energetıka mamandyqtary boıynsha quzyrettilik ortalyǵyn qurýǵa múmkindik beredi.
«Jas maman» jobasyn iske asyrý qorytyndysy boıynsha bizdiń kolledj eńbek naryǵynda suranysqa ıe mamandardy daıarlaý úshin qajetti zamanaýı jabdyqtarmen jaraqtandyryldy, budan basqa óńir úshin quzyrettilik ortalyqtary jumysyn bastady.
Aqtóbe joǵary polıtehnıkalyq kolledjinde mamandar daıarlaý eńbek naryǵynda suranysqa ıe quzyretterdi qalyptastyrýǵa baǵyttalǵanyn nyq senimmen aıtýǵa bolady.
Nurjan BEKMURAT,
«Jaryq» JShS bas dırektory,
Asylhan KÝLJANOV,
Quzyrettilikti baǵalaý ortalyǵynyń jetekshisi
