WTA tiziminde eń úzdik kórsetkish Elena Rybakınaǵa tıesili. Ol óziniń 23-orynyn saqtap qaldy. Sońǵy ýaqytta sátsiz óner kórsetip júrgen Iýlııa Pýtınseva úsh saty tómendep, bul kúnderi 31-oryndy ıelenýde. Zarına Dıas 88-satyǵa jaıǵasty.
Al kósh basyndaǵy tennısshilerge keler bolsaq, aýstralııalyq Eshlı Bartı áli de jeke-dara kósh bastap tur. Ekinshi jáne úshinshi oryndarda – japonııalyq Naomı Osaka men rýmynııalyq Sımona Halep. Sondaı-aq, amerıkalyq Sofııa Kenın, ýkraınalyq Elına Svıtolına, kanadalyq Bıanka Andreeský, belarýssııalyq Arına Sobolenko, amerıkalyq Serena Ýılıams, chehııalyq Karolına Plıshkova jáne nıderlandtyq Kıkı Bertens úzdik ondyqtyń qatarynda.
Erler saıysynda Serbııanyń sańlaǵy Novak Djokovıchke teń keler eshkim joq. Ony Reseıdiń myqtysy Danııl Medvedev pen Ispanııanyń maqtanyshy Rafael Nadal ókshelep keledi. «TOP-10» oıynshynyń qataryna aýstrııalyq Domınık Tım, grekııalyq Stefanos Sısıpas, germanııalyq Aleksandr Zverev, shveısarııalyq Rodjer Federer, reseılik Andreı Rýblev, argentınalyq Dıego Sebastıan Shvarsman jáne ıtalııalyq Matteo Berrettını syndy dúldúlder endi.
Otandastarymyzdyń arasynda eń úzdik nátıjege Aleksandr Býblık qol jetkizip otyr. Ol ATR reıtınginde 42-oryndy enshileýde.
