Osylaısha, respýblıkalyq mańyzy bar joldardaǵy aqyly ýchaskelermen jeńildikpen júretinderdiń qataryna UOS ardagerleri men olarǵa teńestirilgen tulǵalardy qosý kózdelýde. Qazir zań jobasy QR Parlamenti Májilisinde qarastyrylyp jatyr.
Búginde aqyly jolǵa irgeles eldi mekenderde turatyn paıdalanýshylardyń bir aýdannyń shegine ótý úshin 1000 teńgeni quraıtyn jyldyq tarıfty qoldanýǵa múmkindigi bar.
Jolaýshylardy turaqty tasymaldaýdy júzege asyratyn avtobýstar, aqyly jolǵa irgeles aýdandardaǵy avtobýstar, jedel medısınalyq kómek qyzmetteri, órt sóndirý jáne tótenshe jaǵdaılar qyzmetteri, patrýldik polısııa men áskerı tehnıkalar tarıfterden bosatylǵan.
Esterińizge sala keteıik, bıyl uzyndyǵy 5,8 myń shaqyrym joldy aqyly etý boıynsha jumystar júrgizilýde. Bul kelesideı jol ýchaskeleri: «Shymkent – О́zbekstan shekarasy», «Oral – RF shekarasy (Saratov)», «Oral – RF shekarasy (Samara)», «RF shekarasy (Orenbýrg) – Aqtóbe», «Shýchınsk – Petropavl», «Qostanaı – RF shekarasy (Troısk)», «Shymkent – Qyzylorda», «Shymkent – Taraz», «Taraz – Qaınar», «Qapshaǵaı – Taldyqorǵan», «Atyraý – Beıneý – О́zbekstan shekarasy», «Qarabutaq – Qyzylorda», «Aqtóbe – Oral», «Aqtaý – Beıneý», «Nur-Sultan – Qostanaı», «Pavlodar – RF shekarasy (Omby)», «Nur-Sultan – Pavlodar», «Pavlodar – Semeı – Qalbataý».
