KITAP KО́KJIEGI

ÁDEBIET QORYN TOLYQTYRǴAN QUNDY EŃBEK Qazaqstannyń ǵylymı-kóp­shilik ádebıetiniń qory taǵy bir kitappen tolyǵyp otyr. Ol – Par­lament Senatynyń depýtaty О́mirbek Baıgeldiniń “Elibaı” kitaby. “Qazaqparat” baspasy shyǵarǵan jınaq taıaýda Astanada ótken “BookExpoAstana” halyq­aralyq kitap jármeńkesinde “Eń úzdik ǵylymı-kópshilik ádebıet” nomınasııasy boıynsha arnaıy dıplommen marapattaldy. Kitap­tyń polıgrafııalyq ásemdelýi de arnaıy dıplommen atap ótildi. Ol bizdiń elimizdegi baspagerler konkýrsy men 2009 jyly Ashǵa­badta ótken halyqaralyq kórmede birinshi oryndy jeńip aldy. Tań zamanynda ómir súrgen qytaıdyń uly aqyny Lı Bonyń qazaq jerinde dúnıege kelýi jónindegi boljam boıynsha derek­ter izdestirýdi maqsat etken QHR-ǵa ekspedısııa kezinde jı­naqtalǵan mol zertteý málimetteri shyǵarmanyń jáne “Tabylmaı kelgen qazyna” derekti fılminiń negizin qurady. Aıtýly aqyn tý­raly kitap pen derekti fılmniń tusaýkeseri ótken jyly Asta­nadaǵy Prezıdenttik mádenıet ortalyǵynda uıymdastyryldy. “Elibaı” kitabymen tanysý otandyq tarıhtyń buralańdaryn tereń túsinýge, Qazaqstan-Qytaı mádenı-gýmanıtarlyq baıla­nystaryn odan ári damytýǵa járdemdeseri daýsyz. QHR-da aqynnyń bizdiń eli­mizdiń oqyrmandaryna belgisiz shyǵarmashylyq muralaryn zert­teý jónindegi jıyrmaǵa jýyq qor bar. Ekinshi bóliginde qazaq­shaǵa aýdarylǵan Lı Bonyń túpnusqa mátinderi berilgen eńbek elimizdiń basty kitaphanalarynyń qoryna jiberildi.