«Belgili jazýshy, kórnekti qalamger, Qazaqstannyń halyq jazýshysy Qabdesh Jumadilov aǵamyzdyń dúnıeden ozýyna baılanysty marqumnyń otbasy men jaqyn-týǵandarynyń qaıǵylaryna ortaqtasyp kóńil aıtamyn.
Qabdesh aǵamyz búkil sanaly ǵumyryn elimizdiń rýhanııaty men ulttyq ádebıetimizdi damytýǵa arnap, kórkem roman jazý dárejesin jańa beleske kótergen degdar jazýshy, qarymdy qoǵam qaıratkeri edi. Kózi tirisinde zor shyǵarmashylyq oı-órisimen, tereń parasatymen halqynyń úlken iltıpatyna bólenip, artyna óshpeıtin rýhanı mura, óristi ónege qaldyrdy.
Ardaqty aǵamyzdyń jarqyn beınesi men ulttyq rýhanııattaǵy orny qalyń qaýymnyń júreginde máńgi saqtalady dep senemin.
Marqumnyń jatqan jeri jaryq, topyraǵy torqa bolyp, nury peıishte shalqysyn», delingen jazbada.
