Prezıdent halyqaralyq yntymaqtastyq jónindegi arnaýly ókili týraly Jarlyqqa qol qoıdy

1. Qosa berilip otyrǵan:

1) Qazaqstan Respýblıkasy Prezıdentiniń halyqaralyq yntymaqtastyq jónindegi arnaýly ókili týraly ereje;

2) Qazaqstan Respýblıkasy Prezıdentiniń keıbir jarlyqtaryna engiziletin ózgerister men tolyqtyrýlar bekitilsin.

2. Qazaqstan Respýblıkasynyń Ykimeti belgilengen tártippen osy Jarlyqtan týyndaıtyn sharalardy qabyldasyn.

3. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń

     Prezıdenti                                                                                  Q.Toqaev

Nur-Sultan, Aqorda, 2021 jylǵy 5 sáýir

            № 545

Qazaqstan Respýblıkasy

Prezıdentiniń

2021 jylǵy 5 sáýirdegi          

№ 545 Jarlyǵymen

BEKITILGEN

Qazaqstan Respýblıkasy Prezıdentiniń

halyqaralyq yntymaqtastyq jónindegi arnaýly ókili týraly

EREJE

Osy Ereje Qazaqstan Respýblıkasy Prezıdentiniń halyqaralyq yntymaqtastyq jónindegi arnaýly ókiliniń mártebesin, ókilettikterin jáne qyzmetin aıqyndaıdy.

1-taraý. Jalpy erejeler

1. Qazaqstan Respýblıkasy Prezıdentiniń halyqaralyq yntymaqtastyq jónindegi arnaýly ókili (budan ári – Arnaýly ókil) memlekettik saıası qyzmetshi bolyp tabylady.

2. Arnaýly ókildi Qazaqstan Respýblıkasy Prezıdentiniń Ákimshiligi Basshysynyń usynýymen Qazaqstan Respýblıkasynyń Prezıdenti qyzmetke taǵaıyndaıdy jáne qyzmetten bosatady.

Arnaýly ókil Qazaqstan Respýblıkasynyń Prezıdentine esep beredi.

3. Arnaýly ókil laýazymyna ornalasýǵa kandıdatýralardy Prezıdenttiń halyqaralyq qyzmetiniń máselelerine jaýapty Qazaqstan Respýblıkasy Prezıdentiniń Ákimshiligi Basshysynyń orynbasary (budan ári – Prezıdent Ákimshiligi Basshysynyń orynbasary) Qazaqstan Respýblıkasy Prezıdentiniń Ákimshiligi Basshysynyń qaraýyna engizedi.

4. Arnaýly ókil óz qyzmetinde Qazaqstan Respýblıkasynyń Konstıtýsııasyn, zańdaryn, Qazaqstan Respýblıkasy Prezıdentiniń aktilerin jáne Qazaqstan Respýblıkasynyń ózge de normatıvtik quqyqtyq aktilerin, halyqaralyq sharttardy jáne osy Erejeni basshylyqqa alady.

5. Arnaýly ókildiń belgilengen úlgidegi blankileri bolady.

2-taraý. Arnaýly ókildiń negizgi mindetteri men fýnksııalary

6. Arnaýly ókildiń negizgi mindetteri:

1) saıası, ekonomıkalyq, gýmanıtarlyq jáne ekologııalyq salalarda halyqaralyq baılanystardy jolǵa qoıý;

2) Qazaqstan Respýblıkasy syrtqy saıasatynyń negizgi baǵyttaryn jáne Qazaqstan Respýblıkasy Prezıdentiniń bastamalaryn ilgeriletýdi qamtamasyz etý bolyp tabylady.

7. Arnaýly ókil óz qyzmetin júzege asyrý kezinde Qazaqstan Respýblıkasynyń Úkimetimen jáne basqa da memlekettik organdarmen jáne uıymdarmen Qazaqstan Respýblıkasynyń syrtqy saıasaty máseleleri boıynsha ózara is-qımyl jasaıdy.

8. Arnaýly ókil zańnamada bekitilgen tártippen mynadaı fýnksııalardy júzege asyrady:

1) Qazaqstan Respýblıkasynyń Prezıdentine syrtqy saıasat pen halyqaralyq yntymaqtastyqty damytý, Qazaqstan Respýblıkasy Prezıdentiniń halyqaralyq bastamalaryn iske asyrý jóninde usynystar engizedi;

2) óziniń quzyreti sheginde shet elderdiń saıası jáne qoǵam qaıratkerlerimen, isker toptarynyń jáne halyqaralyq uıymdardyń ókilderimen kelissózderdi uıymdastyrady jáne ótkizedi, saýda-ekonomıkalyq, ınvestısııalyq, tehnologııalyq jáne basqa da salalarda basym jobalardy ilgeriletýge qatysady;

3) Qazaqstan Respýblıkasynyń syrtqy saıasaty tujyrymdamasynyń jobasyn daıyndaýǵa jáne ony keıinnen iske asyrýǵa qatysady;

4) Qazaqstan Respýblıkasynyń syrtqy saıasaty bóliginde Memleket basshysynyń Qazaqstan halqyna jyl saıynǵy Joldaýynyń jobasyn daıyndaýǵa qatysady;

5) álemdik damý prosesterin, sondaı-aq halyqaralyq qatynastardyń ózekti problemalaryn monıtorıngteýdi, taldaýdy jáne boljaýdy júzege asyrady jáne Qazaqstan Respýblıkasynyń Prezıdentine onyń syrtqy saıası ókilettikterin iske asyrý jóninde usynymdar tujyrymdaıdy;

6) Prezıdent Ákimshiliginiń Basshysy orynbasarynyń úılestirýimen Qazaqstan Respýblıkasy Prezıdentiniń shet elderdiń memlekettik organdarymen jáne olardyń laýazymdy adamdarymen, sheteldik saıası jáne qoǵam qaıratkerlerimen, halyqaralyq jáne sheteldik uıymdarmen ózara is-qımylyn qamtamasyz etýge járdemdesedi;

7) Qazaqstan Respýblıkasy Prezıdentiniń shet eldik saparlarynyń jáne shet memleketter basshylarynyń Qazaqstan Respýblıkasyna saparlarynyń, halyqaralyq uıymdardyń, qarjy ınstıtýttary men kompanııalardyń basshylarymen kezdesýlerdiń mazmundyq bóligin daıyndaýǵa járdemdesedi;

8) sheteldik ınvestısııalardy, ozyq tájirıbe men tehnologııalardy tartýǵa, otandyq ónimderdiń álemdik naryqtarǵa eksportyn ilgeriletýge járdemdesedi;

9) Qazaqstan Respýblıkasy syrtqy saıasatynyń negizgi baǵyttaryn jáne Qazaqstan Respýblıkasy Prezıdentiniń bastamalaryn ilgeriletý maqsatynda halyqaralyq sarapshylardyń pýlyn qalyptastyrdy jáne onymen ózara is-qımyl jasaıdy;

10) Qazaqstan Respýblıkasy Prezıdentiniń saıası jáne áleýmettik-ekonomıkalyq salalardaǵy reformalaryn shet elderde tanymal etedi jáne túsindiredi, qajet bolǵan jaǵdaıda Qazaqstan Respýblıkasynyń Prezıdenti janyndaǵy keńesshi jáne konsýltatıvtik organdardyń jumysyna qatysady;

11) Qazaqstan Respýblıkasy Prezıdentiniń sheshimi boıynsha syrtqy saıasat pen halyqaralyq yntymaqtastyqtyń ártúrli ózekti baǵyttary boıynsha arnaýly mıssııalardy júzege asyrady;

12) Prezıdent Ákimshiliginiń Basshysy orynbasarynyń úılestirýimen Qazaqstan Respýblıkasy Prezıdentiniń zań shyǵarý bastamasy tártibimen Qazaqstan Respýblıkasynyń Parlamentine engizý úshin syrtqy saıasat salasyndaǵy zań jobalaryn daıyndaýǵa qatysady;

13) Qazaqstan Respýblıkasy Prezıdentiniń tapsyrmalaryn oryndaıdy.

3-taraý. Arnaýly ókildiń quqyqtary

9. Negizgi mindetterdi iske asyrý jáne óziniń fýnksııalaryn júzege asyrý maqsatynda arnaýly ókildiń zańnamada belgilengen tártippen:

1) memlekettik organdardan jáne laýazymdy adamdardan qajetti aqparatty, qujattar men ózge de materıaldardy suratýǵa jáne alýǵa;

2) memlekettik, onyń ishinde úkimettik baılanys jáne kommýnıkasııa júıelerin paıdalanýǵa;

3) óz quzyretindegi máseleler boıynsha memlekettik organdarmen, laýazymdy adamdarmen jáne uıymdarmen qyzmettik hat almasýdy júrgizýge;

4) Qazaqstan Respýblıkasynyń zańnamasynda kózdelgen jaǵdaılarda, sheteldik áriptestermen, onyń ishinde Qazaqstan Respýblıkasynyń ekijaqty jáne kópjaqty halyqaralyq sharttaryn jasasý máselesi boıynsha kelissózderge jáne/nemese konsýltasııalarǵa qatysýǵa, qajet bolǵan jaǵdaıda delegasııany basqarýǵa;

5) Qazaqstan Respýblıkasynyń múddeli ortalyq jáne jergilikti atqarýshy organdary men uıymdary ókilderiniń qatysýmen keńester ótkizýge, sondaı-aq ózge de is-sharalarǵa qatysýǵa;

6) óz quzyreti sheginde qyzmettik qujattamaǵa qol qoıýǵa;

7) Qazaqstan Respýblıkasy Prezıdentiniń tapsyrmasy boıynsha shet elderdiń ókilderine Qazaqstan Respýblıkasynyń memlekettik nagradalaryn tapsyrýǵa:

8) Qazaqstan Respýblıkasynyń zańnamasynda kózdelgen ózge de quqyqtardy júzege asyrýǵa quqyǵy bar.

4-taraý. Arnaýly ókildiń qyzmetin uıymdastyrý jáne qamtamasyz etý

10. Arnaýly ókil qoıylǵan mindetterdiń oryndalýyna jaýapty bolady, eńbekti uıymdastyrý men tıisti eńbek tártibin qamtamasyz etedi.

11. Arnaýly ókildiń qyzmetin Qazaqstan Respýblıkasynyń Prezıdenti Ákimshiliginiń 5 memlekettik ákimshilik qyzmetshiden turatyn sektory qamtamasyz etedi. 

12. Arnaýly ókildiń qyzmetin qamtamasyz etý men qarjylandyrýdy Qazaqstan Respýblıkasy Prezıdentiniń Ákimshiligi júzege asyrady.