Almatyda ótken matchtyń birinshi kezeńinde «Taraz» «Qaırattyń» qaqpasyna eki dop soqty. Bul goldardyń avtorlary – Pedrý Eýjenıý men Baýyrjan Baıtana. Alaıda úzilisten keıin almatylyqtar qarqynyn kúrt kúsheıtip, Hose Kante men Vagner Lav óz múmkindikterin qalt jibermedi. Esep – 2:2.
Qostanaıda «Tobyl» «Astananyń» qabyldady. 31-mınýtta Sergeı Malyı alań ıelerin alǵa shyǵardy. Osy esepti olar uzaq ustap turǵanymen, 83-mınýtta Jarko Tomashevıchtiń dál soqqysynan keıin tarazy basyn teńesti – 1:1.
Shymkentte «Ordabasy» men «Aqjaıyq» sheberlik baıqasty. 52-mınýtta Pablo Fontanello óz qaqpasyna gol soǵyp, jergilikti komandany óte qıyn jaǵdaıǵa qaldyrdy. Desek te bul keleńsiz jaıt shymkenttik fýtbolshylarynyń jigerin jasyta alǵan joq. Tóreshi belgilegen qosymsha ýaqytta Joan Paýlo 11 metrlik núkteden nysanany dál kózdese, kóp keshikpeı Erkebulan Tuńǵyshbaev mergendik tanytty – 2:1.
Úshinshi týrdaǵy ózge kezdesýlerde mynadaı esepter tirkeldi: «Qyzyljar» – «Shahter» 2:0, «Atyraý» – «Aqtóbe» 1:3, «Kaspıı» – «Jetisý» 2:0 jáne «Turan» – «Qaısar» 1:1.
