Sybaılas jemqorlyqqa qarsy is-qımyl agenttigi Tóraǵasynyń birinshi orynbasary O.Bektenov Qazaqstan Respýblıkasynyń Ákimshilik quqyq buzýshylyqtar týraly Kodeksine engizilgen ózgerister týraly aıtty.
«Keshe Sybaılas jemqorlyqqa qarsy qyzmettiń ákimshilik quqyq buzýshylyqtardy anyqtaý jáne jolyn kesý boıynsha quziretin bekitetin Ákimshilik quqyq buzýshylyqtar týraly Kodeksine engizilgen ózgerister qoldanysqa engizildi» dedi O.Bektenov.
Ol Sybaılas jemqorlyqqa qarsy qyzmetke 15-bap boıynsha ákimshilik quqyq buzýshylyq týraly hattamalar toltyrý quqyǵy berilgenin atap ótti.
Olardyń ishinde Kodekstiń alty sybaılas jemqorlyq baby (ÁQBtK-niń 676-681-baptary), kásipkerlik qyzmet salasyndaǵy eki quram (ÁQBtK-niń 154, 173-baptary), memlekettik bılik ınstıtýttaryna qol suǵatyn jáne ákimshilik nemese qylmystyq is júrgizý kezindegi buzýshylyqtarǵa baılanysty jeti quqyq buzýshylyq (ÁQBtK-niń 658-662, 665, 667-baptary) bar.
O.Bektenovtiń sózinshe, Agenttikte qazirgi tańda sybaılas jemqorlyqqa qarsy qajetti barlyq quraldar bar.
