«О́simdikter men janýarlardyń sırek kezdesetin jáne quryp ketý qaýpi tóngen túrleriniń tizbesin bekitý týraly» Qazaqstan Respýblıkasy Úkimetiniń 2006 jylǵy 31 qazandaǵy №1034 qaýlysyna tolyqtyrýlar engizý buǵan negiz boldy.
Aıta keteıik, Aldyńǵy Azııa qabylany popýlıasııasynyń álemdegi jalpy sany 870-1,3 myń basty quraıdy, Qazaqstanda tek Ústirt memlekettik tabıǵı qoryǵynda ǵana kezdesedi. Sonymen qatar búgingi tańda Ekologııa, geologııa jáne tabıǵı resýrstary mınıstrligi Balqash mańyndaǵy jolbarystardy qalpyna keltirýdiń 15 jylǵa arnalǵan baǵdarlamasyn jasady. Bul ańnyń meken etý ortasyn daıyndaý, jolbarysty tabıǵatqa jiberý jáne baǵdarlamanyń júzege asýyn baqylaý sharalaryn qamtıdy.
Prjevalskıı jylqysy jabaıy jylqylardyń kishi túrlerine jatady, jylqy tuqymynyń sırek kezdesetin ókilderiniń biri. Elde shamamen 10 shaqty bas bar. Eske sala keteıik, qazirgi tańda Qazaqstannyń «Qyzyl kitabyna» ósimdikterdiń 400-ge jýyq túri men omyrtqaly janýarlardyń 133 túri engen.
