Basqarma óz jumysynda sıntetıkalyq esirtkilerge qarsy kúreske basa nazar aýdarady. Esirtki saýdasynyń jańa túrlerine qarsy is-qımyl – basymdy jumys baǵyttarynyń biri. Jyl basynan beri oblysta zańsyz esirtki aınalymyna kúdikti delingen 29 adam ustaldy. Onyń 7-eýi sıntetıkalyq esirtkilerdiń óndirisin uıymdastyrǵany úshin, 3-eýi tyıym salynǵan zattardy satatyn ınternet-dúkenderdiń qyzmetin uıymdastyrǵany úshin quryqtaldy. Budan bólek, 2 adam esirtkini jasyryn orynǵa salyp ketkeni úshin qylmystyq jaýapkershilikke tartyldy. Máselen, aqpan aıynyń ortasynda jedel-izdestirý is-sharalary nátıjesinde asa iri kólemdegi zańsyz esirtki aınalymyna kúdikti Aqmola oblysynyń 19 jastaǵy turǵyny ustaldy. Jigittiń kórsetýi boıynsha jasyrǵan 30 orynnan krıstall tárizdes zatpen jalpy salmaǵy 41,49 gr polımerlik túıinshekter alyndy. Sondaı-aq, turǵylyqty jerinen 23 túıinshekte 82,15 gr uqsas zat tárkilendi.
Jalpy, úsh aıdyń ishinde SQO esirtkige qarsy kúreskerleri zańsyz aınalymnan 25,5 keli túrli esirtki tárkiledi, onyń 1 keliden astamy sıntetıkalyq esirtki.
