E. Syzdyqov málim etkendeı, 2021 jyly elorda aýmaǵynda tasqyn sýdyń aldyn alý boıynsha keshendi jospar bekitildi. Oǵan sáıkes sý basý qaýpi bar 29 ýchaske belgilendi. 2019 jáne 2020 jyldarmen salystyrǵanda ýchaskeler sany 8-ge azaıdy.
«2020 jyldyń qazan aıynan bastap sý tasqyny kezeńin ótkizýge daıyndyq boıynsha keshendi jumys bastaldy. Aýdandyq komıssııalardyń derbes quramy bekitildi. Qalanyń barlyq turǵyn alaptary, onyń ishinde Ilınka, О́ndiris, Kóktal-1, Kóktal-2, Jeleznodorojnyı, Prıgorodnyı jáne Ońtústik-Shyǵys turǵyn alaptary esepke alyndy. Sý tasqyny qaýpi bar 29 ýchaskede azamattyq qorǵaý organdarynyń toby turaqty daıyndyqqa keltirildi, sondaı-aq quramynda 200-ge jýyq adam bar kommýnaldyq qyzmetterdiń kúshteri men quraldary, 130-dan astam tehnıka jáne 20-dan astam órt sóndirý sorǵy stansııalary bekitilgen», dedi spıker.
Onyń málimetinshe, 2021 jyldyń 7 sáýirindegi jaǵdaı boıynsha aýdan ákimdikteri qala aýmaǵynan 7 mln tekshe metrge jýyq qar shyǵardy, 180 myń tekshe metrge jýyq erigen qar sýy soryldy.
«Kún saıyn Astana sý qoımasyna monıtorıng júrgiziledi. Sondaı-aq Esil ózeni men Sarybulaq arnasynyń jaǵalaýyn nyǵaıtý, túbin tereńdetý jáne túzetý, Maıbalyq kólinen Nura-Esil arnasyna deıin sý burý kanalyn ornatý jumystary jalǵasyp jatyr», dep atap ótti Syzdyqov.
