Kitapty Arqalyq qalasyndaǵy dala ólkesi tarıhy oblystyq murajaıynyń ǵylymı qyzmetkeri – Batyrlan Saǵyntaev qurastyrǵan.
Qostanaı oblysy ákimdigi mádenıet basqarmasynyń qoldaýymen Arqalyq qalasyndaǵy Dala ólkesi tarıhy oblystyq murajaıy jaryqqa shyǵarǵan «Tobyl-Torǵaı áýeni» mýzyka antologııasy elbasymyz N.Á.Nazarbaevtyń birneshe jyl buryn jaryq kórgen «Uly dalanyń jeti qyry» maqalasynyń negizinde qolǵa alynǵan jumystardyń biri. Atalǵan maqalada elbasymyz qazaq ádebıetiniń ata qory, asyl qazynasy «dala folklory» men halqymyzdyń rýhanı ómiriniń ózegi, jan azyǵy bolǵan dástúrli án men kúıimiz jaıly qundy pikirler aıtqan edi. Bul halyqtyń rýhanı murasynyń saqtalýyna jasalǵan oń qadamdardyń biri.
Mýzyka antologııasy úsh bólimnen turady. Alǵashqy bólimde ánder men kúılerdiń notalary berilse, qosymsha bólimde osy óńirdiń mýzyka murasyna qatysty jazylǵan maqalalarymyz jáne birneshe ónerpazymyzdyń sýretter berilgen. Kirispe maqala men ánderge túsiniktemeler arqyly jarııalanǵan muralarǵa, olardyń avtorlaryna qatysty málimetter berilgen. Kitapqa 90 nota engizildi. Bulardyń barlyǵy avtorlyq shyǵarmalar.
