«Búgingi kúni birinshi komponentpen 217 070, ekinshi komponentpen – 79 541 azamat egildi. Respýblıka boıynsha 1000 turǵynǵa shaqqanda kórsetkish – 11,5 qurady. Onyń ishinde medısına qyzmetkerleri – 40%, pedagogtar – 17%, kúsh qurylymdary qyzmetkerleri – 7,7%, JО́B personaly men kontıngenti – 0,5%, basqalary – 34%. Vaksınasııalanǵandardyń 0,8%-ynda kataraldy sındrom, dene temperatýrasynyń joǵarylaýy, jergilikti reaksııa túrinde vaksınasııadan soń kezigetin reaksııa baıqaldy», dedi A. Soı.
Sonymen qatar, aqparatqa sáıkes sáýirde vaksınanyń 2 mln dozasy jetkiziledi dep josparlanǵan. Jalpy, osy aıda tıisti kontıngenttiń 23,4%-yn qamtý kózdelgen.
«Qazaqstanda óndirýshilermen júrgizilgen kelissózderdi eskere otyryp, birinshi jartyjyldyqta 6 mln-nan astam vaksına dozasyn qabyldaý josparlanýda, bul tıisti kontıngenttiń 64%-yn qamtýǵa múmkindik beredi. Bul kólem KVI-ǵa qarsy vaksınasııalaýǵa jatatyn kontıngentti jáne óteýsiz negizde vaksınasııalaýǵa nıet bildirgen adamdardyń qoljetimdiligin barynsha keńeıtýge múmkindik beredi», dep atap ótti mınıstr.
Uıymdastyrylǵan ujymdarda jáne adamdar kóp jınalatyn jerlerde vaksınasııa júrgizý úshin Almaty qalasyndaǵydaı jyljymaly egý pýnktteri iske qosylatyn bolady.
