Ǵazız Baıtasov eskertkishi ashyldy

Eskertkishtiń ashylý saltanatyna qatysqan Jambyl oblysynyń ákimi Berdibek Saparbaev Ǵazız Baıtasov mindetine adaldyq pen kózsiz erliktiń sımvoly bolyp qala beretinin aıtsa, elimizdiń Ishki ister mınıstriniń orynbasary Arystanǵanı Zapparov táýelsizdik jyldary qyzmet babynda quqyq qorǵaý or­gandarynyń 800-ge jýyq qyz­metkeri kóz jumǵanyn, Ta­raz qalasynda ashylǵan bul es­kertkish azamattardyń qaýip­siz­digi jolynda qaza tap­qandarǵa jasalǵan taǵzym ekenin jetkizdi. Shara barysyn­da qyzmet babynda qaıtys bol­ǵan azamattardy eske alý úshin bir mınýt únsizdik jarııalanyp, úsh márte avtomatpen salıýt berildi.

Budan keıin oblystyq máslıhattyń hatshysy Mah­metǵalı Sarybekov Baýyr­jan Momyshuly men Ǵazız Baıtasovtyń erlikterin baılanystyrsa, oblystyq polısııa departamentiniń bastyǵy Janat Súleımenov Ǵazız Baıtasovtyń erligi barlyq polıseıler úshin úl­gi ekenin aıta kelip, batyr esimi umytylmaıtynyn jáne erlikpen kóz jumǵan polı­seıdiń otbasyna jan-jaqty qoldaý kórsetilip otyrǵanyn jetkizdi. Sondaı-aq, batyrdyń jesiri Gúljamal Tájıeva Ǵazız Baıtasovty eske alýǵa arnalǵan sharalarǵa únemi sha­qyrtý alatynyn aıtyp, ol úshin rızashylyǵyn jetkizip, ol bar­lyq qazaqstandyqtar úshin batyr bolyp qala beretinin atap ótti.

Shara sońynda Halyq qahar­­many Ǵazız Baıtasovtyń eskert­kishine gúl shoqtary qoıyldy.

Jambyl oblysy