«Nur-Sultan qalasyndaǵy COVID-19 ınfeksııasy boıynsha epıdemııalyq jaǵdaı turaqsyz bolyp qalýda, epıdemıologııalyq jaǵdaıdy baǵalaý matrısasy boıynsha bir aı «qyzyl aımaqta» turdy. Osy jyldyń basynan beri qala boıynsha syrqattanǵandar sany 15 myńnan asty, pandemııa bastalǵaly 34 000 astam jaǵdaı tirkeldi. Onyń ishinde 21000-nan astamy - sımptomatıkalyq jáne 12 000-nan astamy- sımptomsyz», dedi Sarhat Beısenova.
Onyń aıtýynsha aqpan aıynda syrqattanýshylyq dınamıkasynda qańtarmen salystyrǵanda 25%-ǵa tómendeý baıqalsa, naýryz aıynan bastap elordada syrqattanýshylyqtyń turaqty ósýi baıqalady jáne naýryz aıy men sáýirdiń 7 kúniniń qorytyndysy boıynsha qańtar men aqpan aılaryna qaraǵanda 2338 jaǵdaıǵa kóbirek tirkeldi (qańtar – 3763; aqpan – 2811; naýryz – 6011, sáýir - 2901).
«17 naýryzdan bastap aýrýdyń kúndelikti ósýi 1%-dan asyp, 20-25 naýryz aralyǵynda 0,64%-ǵa deıin tómendedi. Sońǵy 12 kún ishinde bul kórsetkish orta eseppen 1,2%-ǵa saqtalady. Sońǵy táýlikte 578 bastapqy jaǵdaı tirkeldi, ıaǵnı sımptomdary bar 404 jaǵdaı, 174 — sımptomsyz jaǵdaı. Sońǵy aptadaǵy syrqattanýshylyq kórsetkishteri aldyńǵy aptanyń deńgeıinen 23%-ǵa joǵary, 100 myń turǵynǵa shaqqandaǵy qarqyndy kórsetkish 249,6 qurady. Reprodýktıvti sany birden joǵary», dedi elordanyń bas memlekettik sanıtarlyq dárigeri.