«Azamattarymyz áleýmettik jelilerde Memleket basshysynyń buǵan deıin qazaqstandyq vaksına saldyramyn dep, biraq ony kútpeı, «Spýtnık-V» ekpesin alǵany jóninde suraqtar qoıýda. Prezıdenttiń árqashan da otandyq ónimdi qoldaıtynyn senimdi túrde aıta alamyn. Qasym-Jomart Toqaev Qaraǵandyda shyǵarylǵan vaksınany saldyrdy jáne bizdiń ǵalymdarǵa tolyq senedi.
Qazaqstandyq vaksına óndirisi iske qosylǵannan keıin Memleket basshysy Jambyl oblysyna baryp, kásiporynnyń jumysymen arnaıy tanysýdy josparlap otyr. Prezıdent kelesi joly koronavırýsqa qarsy otandyq ekpeni saldyrýǵa nıetti. Prezıdent koronavırýsqa qarsy kúreste halyqty jappaı vaksınasııalaýdan basqa balama joq ekenine senimdi», dep jazdy Berik Ýálı Facebook-tegi paraqshasynda.
