Búgin «Bavarııa» men PSJ sheberlik baıqasty. О́te shıelenisti ótken kezdesýdiń 3-mınýtynda Kılıan Mbappe esep ashty. 28-mınýtta Markınos ekinshi goldy soqty. Osy oraıda eki retinde de dál pas bergen Neımar ekenin aıta ketý abzal. Úziliske deıin Maksım Shýpo-Motın esep aıyrmashylyǵyn qysqartty. Ekinshi kezeńde nemister jappaı shabylǵa kóshti. Sonyń nátıjesinde 60-mınýtta Tomas Mıýller tarazy basyn teńestirdi. Alaıda «Bavarııa» fýtbolshylarynyń qýanyshy uzaqqa sozylmady. Arada segiz mınýt ótkende qaıta sol Mbappe fransýzdardy alǵa shyǵardy – 3:2. Bul esep matchtyń sońyna deıin saqtaldy.
Dál sol kúni «Portý» men «Chelsı» arasynda ótken básekede qonaqtardyń mereıi ústem boldy. Esep – 0:2. Aǵylshyndar sapynda Meıson Maýnt (32-mınýt) pen Bendjamın Chılvell (85-mınýt) mergendik tanytty.
Sársenbi kúni Pıreneı túbeginde «Real» men «Lıverpýl» kezdesti. Bul match 3:1 esebimen koroldyq klýbtyń paıdasyna sheshildi. «Manchester Sıtı» óz alańynda Dortmýndtyń «Borýssııasyn» qabyldady. Alǵashqy goldy aǵylshyndar salsa, úzilisten keıin tarazy basy teńesti. Básekeniń aıaqtalýyna sanaýly mınýttar qalǵanda Fıl Foden soqqan dop Tumandy Albıon eliniń ókilderine jeńis syılady – 2:1.
