QR BjǴM mektepke deıingi jáne orta bilim berý Komıtetiniń tóraıymy Maıra Meldebekova, «Bóbek» UǴPBBSO-nyń bas dırektory Elena Sákenova, «AÚDUI» KEAQ prezıdentiniń mindetin atqarýshy Irına Kalacheva jáne «Bóbek» UǴPBBSO observatorııasynyń dırektory Raısıa Kýdıakova alǵy sóz sóıledi.
Qazaqstan Respýblıkasynyń ǵaryshkeri, áskerı-áýe kúshteriniń general-maıory, «Halyq Qaharmany» ataǵynyń ıegeri, «Qazaqstan ǵarysh sapary» Ulttyq kompanııasy tóraǵasynyń orynbasary Aıdyn Aıymbetov 60 jyl buryn «Baıqońyr» kosmodromynan Iýrıı Gagarın «Vostok-1» kemesinde ǵaryshqa attanǵanyn aıtty. «Bul elimiz úshin erekshe mereke boldy. Iаǵnı, ǵaryshker Iýrıı Gagarın alǵash ret ǵaryshqa qazaq jerinen ushty. Ol Jer sheginen shyqqan tuńǵysh adam bolyp, adamzat úshin jańa kezeńdi ashty. Bul kún zor gýmanıstik mańyzǵa toly», dedi ol.
Ǵaryshtyq qyzmettiń damýy Qazaqstan úshin basekege qabilettiligi zor jáne elimizdiń qarqyndy ındýstrıalandyrýdyń myqty faktorynyń biri bolyp tabylady. Qazaqstan 2030 jylǵa ǵaryshtyq qyzmet kórsetýdiń dúnıejúzilik naryǵynda óz qoldanys aıasyn keńeıtý tıis.
Elena Sákenova rýhanı-adamgershilik bilim berý baǵdarlamasynyń avtory Sara Alpysqyzy Nazarbaevanyń bastamasymen, 2009 jyly «Bóbek» Ortalyǵynda biregeı bilim berý Observatorııasynyń ashylǵanyn atap aıtty. 2010 jyldan bastap sońǵy 10 jyl ishinde «Bóbek» Ortalyǵynyń Observatorııasynda 79 respýblıkalyq (6708 qatysýshy) jáne 50 halyqaralyq (377 qatysýshy) is-shara ótkizildi. 2092 qatysýshy respýblıkalyq sharalardyń, 148 qatysýshy halyqaralyq is-sharalardyń júldegerleri atandy.
Observatorııanyń «Bóbek» ortalyǵynyń qurylymdyq bólimshesi bolyp, ǵaryshtyq baǵyt boıynsha bilim berý baǵdarlamalaryn uıymdastyryp júzege asyratyny týraly Raısıa Kýdıakova málimdedi. Ol forýmǵa qatysýshylardy teleskop, kompıýterler, robototehnıka sııaqty zamanaýı qurylǵylarmen jabdyqtalǵan Observatorııa qyzmetiniń negizgi baǵyttarymen tanystyrdy. Sonymen qatar, komandalar quramynda halyqaralyq astronomııalyq olımpıadalarǵa, týrnırlerge, baıqaýlar men konferensııalarǵa qatysatyn respýblıka mektepteriniń oqýshylary Observatorııada daıyndyqtan ótetini aıtyldy.
Sondaı-aq, osy jıynda pedogogıka ǵylymdarynyń doktory, G. M. Grechko atyndaǵy Nıjegorodtyq planetarııdiń dırektory G.A. Mýromseva (Reseı), Astronomııa jáne astrofızıka boıynsha halyqaralyq olımpıadanyń úılestirýshisi V.I. Zagaınova (Kanada), Taras Shevchenko atyndaǵy Kıev ulttyq ýnıversıtetiniń fızıka fakýltetiniń ınjeneri A.A. Sımon (Ýkraına) jáne taǵy basqa mamandar baıandama jasady.
