Balyq aýlaýdyń da tártibi bar

«Bul sharalar  óte mańyzdy. О́ıtkeni keıbir balyq túrleriniń popýlıasııasy edáýir azaıyp nemese múldem joıylyp ketýi múmkin. Mundaıǵa jol bermeý úshin sý basseınderinde balyq aýlaý zııan tıgizetin naqty kúnder anyqtalady.

Mysaly, Aral-Syrdarııa basseıni boıynsha Shardara sý qoımasy sý aılaǵynan 1 sá­ýir men 20 mamyr araly­ǵyn­da, Túrkistan oblysy aýma­ǵyn­daǵy sý aıdyndarynda jáne Shardara sý qoımasynan Qy­zyl­orda oblysynyń ákimshilik she­karasyna deıingi Syrdarııa ózeninde 15 sáýir men 31 ma­myr­dy qosa alǵandaǵy ara­lyqta balyq aýlaýǵa tyıym sa­lyndy. Balqash-Alakól bas­seıni boıynsha 15 sáýir men 1 maýsym aralyǵynda, Qap­shaǵaı sý qoımasynda jáne oǵan quıatyn barlyq ózen men aǵyn sýda 5 sáýir men 20 mamyr aralyǵynda balyq aýlaýǵa shekteý qoıylady», delingen mınıstrlik taratqan aqparatta.

Vedomstvonyń málimetine súıensek, Ertis basseıni, Qara­qastan bastap birinshi Batın shoqysyna deıin Buqtyrma sý qoımasynyń kól-ózen bó­liginde 16 sáýir men 30 mamyr aralyǵynda, Buqtyrma sý qoı­masynyń tereń sý bóliginde birinshi Batın shoqysynyń basynan bastap, Buqtyrma GES-ne deıin 1 mamyr men 15 maý­sym aralyǵynda balyq aýlaý­ǵa tyıym salyndy. Esil basseıniniń sý aıdyndarynda shortan, aqqaıran jáne kók­ser­ke aýlaýǵa (aýlaýǵa, jı­naýǵa, da­­ıyn­daýǵa) 15 sáýir­den 15 ma­­myr­ǵa deıin, sazan (tuqy) 20 m­a­myrdan 20 maýsymǵa de­ıin, gammarýs 1 tamyzdan 14 qyr­­­kúıekke deıin jáne bas­qa ba­lyq túrlerin aýlaýǵa shekteý qoıylyp otyr.

Sondaı-aq Nura-Sarysý basseıninde 20 sáýirden 20 ma­myrǵa deıin kókserke, 1 ma­myrdan 30 maýsymǵa deıin sa­zan (tuqy) aýlaýǵa tyıym sa­lyndy. Tobyl-Torǵaı bas­seıniniń aýmaǵynda, atap aıt­qanda Qostanaı oblysynyń Arqalyq qalasy, Amangeldi, Jangeldın aýdandarynyń sý aıdyndarynda 20 naýryzdan bastap 20 sáýirge deıin shortan, sazan (tuqy), taban, laı, kókserke aýlaýǵa 20 sáýirden bastap 30 mamyrǵa deıin tyıy­m salynady.

Jaıyq-Kaspıı basseıni men Qıǵash ózeni boıynsha 25 ma­myrdan bastap 31 tamyzǵa deıin Kaspıı teńiziniń qazaq­standyq sektorynyń soltústik bóliginiń sý aıdynynda 1 sá­ýirden bastap 31 tamyzǵa deıin Jaıyq jáne Qıǵash ózen­de­riniń qosalqy sý aıdyndaryn­da balyq aýlaýǵa shekteý qo­ıylǵan. Sonymen qosa 1 naý­­ryz ben 1 shilde aralyǵynda Shý-Talas basseıniniń Bılikól, Bógetkól jáne Aqkól kólderin ózara baılanystyratyn Asa ózeninde jáne onyń salalarynda balyq aýlaýǵa tyıym salynady.