Tekserý barysynda «VAZ» avtokóliginen balyq aýlaý quraldary jáne 150 keliden astam zańsyz aýlanǵan balyq (shortan, kókserke, taban) tárkilendi. Atalǵan derek QR QK 335-baby 1-bóligi «balyq resýrstaryn, basqa sý janýarlaryn nemese ósimdikterin zańsyz óndirý» boıynsha SDTBT-de tirkeldi.
- Sonymen qatar, jyl basynan beri tabıǵatty qorǵaý polısııasynyń qyzmetkerleri memlekettik organdarmen birlesip tabıǵatty qorǵaý zańnamasyn buzýdyń 237 faktisin anyqtaǵan. Jalpy 5 tonnadan astam balyq tárkilendi, – dedi oblystyń bas polıseıi Saǵat Mádıev.
Búgingi tańda zańsyz balyq aýlaǵany úshin 7 fakti boıynsha qylmystyq is qozǵaldy. 230-dan astam balyqshy ákimshilik jaýapkershilikke tartyldy. Jalpy shyǵyn somasy 14 mln teńgeden asty.
Esterińizge sala keteıik, brakonerlerden tárkilengen balyq arnaıy balyq qabyldaý pýnktine tapsyrylady. Al túsken tabys memleket qazynasyna aýdarylady.
