Jobanyń iske asyrylýyna Elbasynyń «Uly dalanyń jeti qyry» maqalasy ıdeıalyq negiz boldy. Nursultan Nazarbaev atalǵan maqalada Qazaqstan – qyzǵaldaqtyń Otany ekendigin aıta kele:
«О́zindik mán-mańyzy zor bul ósimdikter osy jerde búr jaryp, jer júzine taralǵan... Qazaq topyraǵyndaǵy osynaý qarapaıym, sondaı-aq erekshe gúlder óz ádemiligimen kóptegen halyqtyń júregin jaýlap, birtindep búkil álemge tarady», dep jazǵan bolatyn.
Anımasııalyq telehıkaıanyń basty maqsaty – óskeleń býynǵa ǵajaıyp gúldiń tarıhyn, erekshe qasıetterin tanystyrý arqyly ony qorǵaýdy, kóbeıtip ósirýdi nasıhattaý.
Oqıǵa jelisi boıynsha, aıyqpas dertke shaldyqqan Gollandııa eliniń sulý da meıirimdi hanshaıymyn Alataýdyń baýraıynda ósetin erekshe gúldiń qaınatpasymen ǵana emdeýge bolady. Qaıtsem de qyzǵaldaqtar mekenine jetem degen hanzada nókerlerimen birge alys saparǵa attanyp, shytyrman oqıǵalarǵa tap bolady. Osylaısha, 10 bólimnen turatyn mýlthıkaıada álem jurtshylyǵynyń súıikti gúline, qazaq dalasynyń sımvolyna aınalǵan qyzǵaldaqtyń Eýropaǵa barý joly baıandalady.
«Qazaqstan – qyzǵaldaqtar mekeni» anımasııalyq serıaly 17 sáýirden bastap ár senbi-jeksenbi kúnderi saǵat 20:40 jáne 23:20-da «Balapan» telearnasynan kórsetiledi.
