BIRLESKEN IS – BEREKELI

Dostastyq elderi muǵalimderiniń elordada ótetin quryltaıy meniń oı-sanama serpin berip otyr. Se­be­bi, tórtkúl dúnıedegi memleket­ter­diń ishinde adamdardyń ara­syn­daǵy birlikti tek bizdiń Prezıdent Nursultan Nazarbaevtyń ǵana aýzy­nan estýge bolady. Ol adam­dardar arasyndaǵy dostyqty aıtyp qoımaı, sonymen birge, sol dostyqtyń aıasynda ár memleket óz múddesin saqtaı otyryp, ortaq isti keńesip isteýdi tapsyryp keledi. TMD muǵalimderiniń myna sezi osy sózime dálel bola alady. Shyny kerek, men KSRO za­ma­nynda barlyq odaqtas respýblı­ka­lardyń ustazdarymen tyǵyz qa­rym-qatynasta bolyp, tájirıbe alma­syp júretin edim. Keıin bul pyshaq keskendeı tyıylyp qalǵan bolatyn. Jalpy, bilim salasynyń jaqsy nátıjeleri shekara tań­da­maıdy. Ulttyq úlgige beıimdep, qol­dana bilsek, odan keler paıda ól­sheýsiz. Men qazaq tili men áde­bıetin oqytqanda álem ádebıetinen de oqýshylardy habardar etip otyramyn. Álemdik bilim keńistigine shyqpaı, bilim salasyn bıik dárejege kóterý áste múmkin emes. Qazir qarap otyrsań, sabaq berý tásiline órkenıetti elderdiń úrdisi engenin ańǵarasyń. Urpaq tárbıesi otbasynan bastalady deımiz. Al bilim oqýshyǵa beriletin sabaqtyń negizinde jatyr. Tárbıe de solaı. Sabaq jaqsy júr­megen jerde bilim bolmaıdy. Keıde biz oqýshylardyń bilimsizdigin ózimizden kórmeı, solarǵa ıtere salatynymyz bar. Bul durys emes. Talantsyz urpaq joq. Tek ul men qyzdyń boıyndaǵy sol talantty dál taýyp baýlysaq, baǵy ashy­lady. Júrer joly keńeıedi. Taǵy bir aıtaıyn degenim, biz qazir táýelsiz memleketpiz. Bir za­mandary ózgeden úırenýdi ádetke aı­naldyrǵanbyz. Endi Sultan­ma­h­mut Toraıǵyrov aıtpaqshy, “Bizderde mynandaı bar, mynandaı bar” deıtin kezeń keldi. О́zgeden úırene otyryp, ózimizdegi bardy kórsete bilýimiz kerek. Bizden de úı­rensin. Barymyzdy kórsin, irgeli ult ekenimizdi tanysyn. Men buǵan da bir mysal keltirsem deımin. О́zimiz ár isin úkilep júrgen AQSh-ta bol­ǵa­nymda, olar Qazaq eliniń bilim berý ádisine, ádistemesine qyzyǵýshylyq tanytyp, mektep­terinen muǵalimder jınap, birneshe kún dáris oqytty. Ásirese, ulttyq tárbıedegi bizdiń halyqtyq peda­gogıkamyzǵa erekshe yqylaspen qarady. Jalpy, TMD memleketteriniń bilim qyzmetkerleri men muǵalim­derine arnalǵan bul quryltaı bir-eki kúndik jıyn ǵana emes, bola­shaqta elder arasyndaǵy qarym-qatynasty damytyp, oqytýdaǵy úzdik tájirı­belerdi ár eldiń ulttyq mentalı­tetine qaraı jetildirip otyrýdy júzege asyratyn, ózge jurttarda da mundaı quryltaıdy ótkizýdi qolǵa alyp, sóıtip buryn bar dástúrdi jalǵastyrsaq quba-qup bolar edi. Qanıpa BITIBAEVA, Qazaqstannyń eńbek sińirgen muǵalimi, KSRO Memlekettik syılyǵynyń laýreaty. Shyǵys Qazaqstan oblysy.