Jazýshynyń jýyrda qatysqan «Jarqyn júzdesý» baǵdarlamasy «Qazaqstan» arnasynan 10 sáýir kúni 17:00-de efırge shyǵady.
Habarǵa qalamgerdiń uly Arman Qabdeshuly, jazýshy, synshy Ámirhan Meńdeke, ádebıettanýshy Armııabek Saǵyndyquly, aqyn Almas Ahmetbek, aqyn, baspager Ǵalym Qalıbekuly, ǵylym doktory, professor Ulyqpan Sydyqov pen Rýda Zaıkenova qatysty.
Baǵdarlamada 13 jasynda «Abaı jolyn» oqyǵan qalamger Muhtar Áýezovpen kezdesip, shákirti atanǵany jaıynda, 1962 jylǵy uly kósh jaıyndaǵy estelikterimen bólisip, qazirgi qazaq ádebıeti men tarıhy týraly áńgimeleıdi.
«Ult aldyndaǵy qoǵamdyq qyzmetimniń shyńy – 1962 jylǵy kósh dep esepteımin. Bul týraly eńbegimniń bir salasy retinde budan keıin de aıtylýy kerek», deıdi jazýshy suhbatynda.
