Ekonomıkanyń, bank salasynyń jaı-kúıi, respýblıkalyq bıýdjettiń atqarylýy, memlekettik satyp alýdaǵy jergilikti qamtý týraly ulttyq ekonomıka mınıstri Áset Erǵalıev, Ulttyq bank tóraǵasy Erbolat Dosaev, qarjy mınıstri Erulan Jamaýbaev, ónerkásip pen energetıka sektoryndaǵy jaǵdaı týraly ındýstrııa jáne ınfraqurylymdyq damý mınıstri Beıbit Atamqulov jáne energetıka mınıstri Nurlan Noǵaev, agroónerkásip keshenindegi jaǵdaı týraly aýyl sharýashylyǵy mınıstri Saparhan Omarov, áleýmettik mańyzy bar azyq-túlik taýarlarynyń baǵalaryna qatysty saýda jáne ıntegrasııa mınıstri Baqyt Sultanov, óńirlerdiń damýy týraly Shyǵys Qazaqstan oblysynyń ákimi Danıal Ahmetov, Qaraǵandy oblysynyń ákimi Jeńis Qasymbek, Batys Qazaqstan oblysynyń ákimi Ǵalı Esqalıev, Mańǵystaý oblysynyń ákimi Serikbaı Trumov baıandady.
2021 jyldyń birinshi toqsanynyń qorytyndysy boıynsha oń jáne turaqty dınamıka QR ekonomıkasynyń naqty sektorynda baıqaldy. О́sim óńdeý ónerkásibinde (+7,5%), qurylysta (+13,1%) jáne aýyl sharýashylyǵynda (+2,8%) baıqaldy.
Oń ósim qarqyny mashına jasaýda (+21,8%), onyń ishinde avtomobıl jasaýda (+20,7%); farmasevtıkada (+9,1%); hımııa ónerkásibinde (+14,2%); tústi metaldar óndirisin (+3,4%) qosa alǵanda metallýrgııada (+2,3%); jeńil ónerkásipte (+3,1%), onyń ishinde kıim óndirisinde (+25,8%), sondaı-aq azyq-túlik ónimderi óndirisinde (+3,3%) baıqalady.
Premer-Mınıstr 2021 jylǵy 1 sáýirde OPEK+ 15 mınıstrlik kezdesýi ótkenin, onda Qazaqstan úshin munaıdy táýligine óndirýdi taǵy 6 myń barrelge ulǵaıtýdy kózdeıtin jekelegen sharttar kelisilgenin atap ótti. Osyǵan oraı, jyl qorytyndysy boıynsha munaı óndirý salasynda oń dınamıka qamtamasyz etiledi.
