«Koronavırýs juqtyrǵandar sany Qostanaı men Túrkistan oblystarynan basqa Qazaqstannyń ózge óńirlerinde ósip jatyr. El boıynsha syrqattanýshylyqtyń 61 paıyzy Nur-Sultan, Almaty qalasyna jáne Almaty oblysyna tıesili. Sáýirde epıdemııalyq jaǵdaı aıtarlyqtaı nasharlady. Sáýirdiń alǵashqy 11 kúninde koronavırýstyń 24 955 jaǵdaıy tirkeldi. Naýryzdyń osy kezeńimen salystyrǵanda vırýs juqtyrý deregi úsh ese ósti. Qazir táýligine 2 800 naýqas tirkelýde», dedi mınıstr.
Sondaı-aq ol koronavırýstan qaıtys bolǵandardyń sany da kóbeıgenin atap ótti. Atap aıtqanda naýryzda aqpanmen salystyrǵanda indetten qaıtys bolǵandar sany 1,4 ese ósti. О́lim jaǵdaılarynyń 57 paıyzy Nur-Sultan, Almaty, Almaty oblystaryna tıesili.
