Erkinbek Shoqaıdyń aıtýynsha, eger zat (suıyqtyq) adam aǵzasyna aýyz nemese murynmen asqazan-ishek joldary arqyly túsetin bolsa, oraza buzylady. Al vaksına ıneksııa jolymen engende oraza buzylmaıdy.
«Qazir koronavırýs tek bizdiń elge ǵana emes, kúlli álemge qaýip tóndirip jatyr. Ǵalymdar men medısına qyzmetkerleri odan qutylýdyń jolyn izdestirip jatyr. Dárigerler qazir bul indetten qutylýdyń birden-bir joly retinde ekpe salýdy usynyp otyr. О́zim dárigerlerge senemin. Sondyqtan jappaı vaksına alǵanymyz durys. Ekpeniń sharıǵatqa eshqandaı qaıshylyǵy joq», dedi qalanyń bas ımamy.
Qalanyń bas ımamy dárýmenge jatpaıtyn, tek emdeý maqsatynda qoldanylatyn ıneksııalarǵa ruqsat berilgenin aıtty.
«Vaksınalaý ınfeksııalyq aýrýlardyń aldyn alady jáne adamnyń ımmýnıtetin kóteredi. Vaksına dárýmen emes. Sol sebepti ekpe teriniń astyna, bulshyq etke nemese qan arqyly engizilse, oraza buzylmaıdy», dedi Almaty meshitiniń bas ımamy.
Budan bólek, brıfıng barysynda PTR testten ótý orazany buzbaıtyny da aıtyldy. Imamnyń aıtýynsha, tek ishke tamaq, ne sý qabyldaǵanda ǵana buzylady.
