О́tken túnde mobıldi toptar karantındi buzǵan 5 mekemeni anyqtady. Esil aýdanynda ornalasqan Carreta meıramhanasy belgilenbegen ýaqytta jumys istegenimen qoımaı, jurtshylyqqa kalıan usynǵan. Zań boıynsha buǵan qatań tyıym salynǵan.
Sondaı-aq Almaty aýdanynda karantın rejımin saqtamaǵany úshin «Grafın» resto-bary men «Túrkistan» kafesi jaýapkershilikke tartyldy. Saryarqa aýdanynda ornalasqan «Mıata» laýndj bary saǵat 22.00-den keıin jumys istedi, bul jumys rejımin óreskel buzý bolyp sanalady. Bul mekemeniń kelýshilerine de kalıan usynylǵan. Baıqońyr aýdanynda shekteý sharalaryn buzǵan «Xalva» meıramhanasy anyqtaldy.
Jınalǵan materıaldar ákimshilik sharalar qabyldaý jáne tártip buzýshylardy jaýapkershilikke tartý úshin sanıtarlyq-epıdemıologııalyq baqylaý basqarmasyna joldandy.
Nur-Sultan epıdemıologııalyq ahýaldy baǵalaý matrısasy boıynsha qyzyl aımaqqa kirgenine bir aı boldy. Qaladaǵy epıdemıologııalyq jaǵdaı áli de turaqsyz bolyp otyr. Elorda turǵyndary men qonaqtary, sondaı-aq kásipkerlik sýbektileri karantındik sharalar men sanıtarlyq normalardyń bárin saqtaýy tıis. Bul qaýipti vırýstyń taralý qaýpin azaıtýǵa múmkindik beredi.
Sondaı-aq elorda turǵyndaryn KVI-ge qarsy vaksınalaý boıynsha belsendi naýqan júrgizilýde. Bul ujymdyq ımmýnıtetti damytýǵa múmkindik beredi jáne ómirdiń qalypty jaǵdaıyna oralýǵa septigin tıgizedi.
