Aıta keterligi, bul – el tarıhyndaǵy eń aýqymdy aıyppul. Onyń kólemi Alibaba korporasııasynyń 2019 jylǵy tabysynyń 4 paıyzyn quraıdy. Kompanııanyń negizin qalaýshy Djek Ma qazanda Qytaı basshylaryn jurt aldynda synaǵan soń úsh aıǵa jýyq el aldyna shyqqan joq.
Keıinnen Beıjiń bıligi Djek Maǵa tıesili Ant Group kompanııasynyń aksııalaryn bırjaǵa shyǵarýǵa tyıym saldy. Aksııalar quny shamamen 37 mıllıard dollardy quraıtyn.
Qytaı Alibaba Group kompanııasyna qatysty tekserýdi byltyrǵy jeltoqsanda bastady. Beıjiń bıligi korporasııany «satýshylardy tek jalǵyz platformamen satýǵa májbúrledi» dep aıyptady.
Osy salany retteýshi uıymnyń málimdeýinshe, mundaı áreket tutynýshylardyń quqyqtary men múddelerine qaıshy keledi, satýshylardyń bıznesine teris áserin tıgizetin kórinedi. Alaıda kompanııanyń negizin qalaǵan Djek Ma bul pikirmen múldem kelispeıdi.
