Sol kúni janýarlardyń qyrylý qaýpi jáne ólimi anyqtalǵan kezdegi ózara is-qımyl shemasyna sáıkes, Inspeksııa mamandary «Veterınarııalyq baqylaý jáne qadaǵalaý komıtetiniń Aqtóbe oblystyq aýmaqtyq ınspeksııasy» RMM jáne Aqtóbe oblysynyń Tabıǵı resýrstar basqarmasymen birlesip osy sý aıdynyna tekserý júrgizdi.
Jınalǵan «karas» óli balyqtarynyń sany 4 tonnany qurady. Ol balyqtardy joıý boıynsha jumystar uıymdastyryldy.
Sonymen qatar zerthanalyq zertteýler júrgizý úshin sý men balyqtan synama alyndy.
Aldyn-ala jasalǵan boljam boıynsha balyqtardyń qyrylýyna sý deńgeıiniń jetkiliksizdiginen (1,0-1,5 m) qysta sýda otteginiń bolmaýy sebep bolyp otyr.
Balyqtardyń qyrylýynyń naqty sebebi tıisti zerthanalyq zertteýler júrgizilgennen keıin qosymsha habarlanady.
Aıta keteıik, Kýzmın toǵany Qobda aýdanynyń Jarsaı aýyldyq okrýginde ornalasqan. Aqtóbe qalasynan qashyqtyǵy 140 km. Toǵannyń aýdany 3 ga jýyq, ol balyq sharýashylyǵy sý aıdyndarynyń tizimine enbegen. Toǵan mal sýarý úshin salynǵan. Sý qoımasynyń janynda óndiristik obektiler joq.
