Bul jol-kólik oqıǵasy Almaty qalasynyń Bostandyq aýdanynda oryn alǵan.
S.M.Tanekeeva esimdi azamatsha «Toyota Land Cruiser Prado» avtokóligimen Esqaraeva kóshesimen shyǵys baǵytta kele jatyp, Rozybakıev kóshesimen qıylysqandaǵy «jol berińiz» belgisin elemeı jol qıylysyna shyǵyp ketken. Sol jerde Rozybakıev kóshesimen soltústikke qaraı júrip kele jatqan «Lexus GX-300» markaly avtokólikpen soǵysqan. Soqqy nátıjesinde «Lexus» ınersııamen jol jıeginde turǵan tórt jaıaý júrginshini qaqqan. Olardyń biri – 1992 jyly týǵan azamatsha, alǵan jaraqattarynan oqıǵa ornynda qaıtys boldy. Taǵy bir jaıaý júrginshi – 1994 jylǵy azamat aýrýhanada kóz jumdy. Basqa zardap shekkender medısınalyq mekemelerge jatqyzyldy, – dedi Almaty qalalyq Polısııa departamenti bastyǵynyń orynbasary Rýstem Ábdrahmanov.
Sotqa deıingi tergeý QR QK-niń 345-baby 4-bóligine sáıkes qylmystyq quqyq buzýshylyq belgileri boıynsha júrgizildi. Júrgizilgen tergeý áreketteri, sondaı-aq, saraptamalyq zertteýler S.Tanekeevanyń kinásin dáleldedi. Almaty qalasynyń Bostandyq aýdandyq sotymen eki adamnyń ólimine ákep soqqan jol-kólik oqıǵasy úshin kináli dep tanylyp, bes jylǵa bas bostandyǵynan aıyryldy.
