Aqparattyq agenttiktiń málimetinshe, A.Shpekbaev eldegi sybaılas jemqorlyqty joıýǵa baǵyttalǵan barlyq bastamalary úshin osyndaı oń baǵaǵa ıe boldy. Azamattardyń daýys berý nátıjesine sáıkes, Antıkor basshysynyń qalalyq, aýdandyq jáne aýyldyq ákimdikterdi servıstik jumys úlgisine kóshirý, «open space» formatyn jappaı engizý jáne para berý usynysyn krımınalızasııalaý sekildi jarqyn bastamalary qoldaý tapqan eken.
Bul – memlekettik organdardyń jumysyn ashyqtyq, qoljetimdilik jáne eseptilik qaǵıdattary arqyly transformasııalaýǵa baǵyttalǵan Agenttik tóraǵasynyń ıdeıalarynyń azamattar arasynda keń qoldaý tapqanyn aıǵaqtaıdy.
Ústimizdegi jyldyń 18 aqpanynan 13 sáýirine deıin eki aı boıy júrgizilgen NUR.KZ-tiń «Halyq daýysy 2021» onlaın-daýys berý barysynda portal oqyrmandary el tizginin ustaǵan basshylardyń qyzmeti men respýblıkalyq jáne oblystyq mańyzy bar qalalardyń damýyna baǵa berdi. Oǵan elimizdiń kez-kelgen turǵynynyń qatysý múmkindigi boldy.
