Saryala qazdyń qańqyly estildi

Kónekóz qarııalar ony ıtalaqaz dep te ataıtyn. Olaı deıtini, ańyz-áńgimelerde «saryala qaz jumyrtqasyn elsiz bıik tóbelerge, aıda­la­daǵy mazarlarǵa salady. Ju­myrtqadan tósteri qara ala qumaı tazy shyǵady. О́se kele shapshańdyǵymen, ep­tiligimen erekshelenedi» dep aıtylatyn. Ras, qumaı qýǵan ań qashyp qutyla almasy anyq. Ańyz-ápsanaǵa senbeıin de­seń, Saýyr-Saıhannyń bir bıiginde kúrkeniń kólemindeı ıtala qazdyń uıasy áli tur eken.

Tarbaǵataı qoryǵynyń aýmaǵyna qonǵan saryala qaz qystyń kúni Arys ózeniniń Syrdarııaǵa qosylatyn saǵa­laryn mekendeıdi. Ádette kún jylyna Úrjar óńirine ke­lip qonady. Olardy ulttyq park qyzmetkerleri sanap, jýrnalǵa tirkep otyrady. Tir­shilikterin baıqap, baqylap qaıtqan ańshy-bıolog Elena Krason ushyp-qonyp júrgen ádemi qustardy sýretke de túsirgen.

Úırek tuqymdas qus ózge­lerge uqsamaıdy, erekshe ja­ratylǵan. Denesi qyzyl-sary, bas jaǵy aqshyldaý keledi. Qanattarynyń ushy qara. Shaǵyn kólshikterde, sazdaýyt jerlerde de kezdesedi. Uıa­syn túlki, qarsaq, sýyr syndy ańdardyń inine salady. Bos qalǵan in tabylmasa, jartastyń qýysyn da ordasyna aınaldyryp jiberedi. Bir basqanda, 9-12 jumyrtqa basady eken. Juptasyp ómir sú­retindikten, atalyǵy da uıadan uzap ketpeıdi. Mamyrdyń or­tasyna qaraı balapandary shyǵyp, tamyzǵa qaraı qara qanattanady. Shyǵysta kóbeı­gen qustar salqyn túse oń­tús­tik óńirge baǵyt alady.

Shyǵys Qazaqstan oblysy,

Úrjar aýdany